Politics

తెలంగాణ (Telangana)లో జరిగిన అసెంబ్లీ ఎన్నికల్లో అపజయం పాలైన బీఆర్ఎస్ (BRS).. ఓటమిపై నేతలు సమీక్షించుకొంటున్నారు.. ఇప్పటికే ఓటమిపై కేటీఆర్ (KTR) కీలక వ్యాఖ్యలు చేసిన సంగతి తెలిసిందే.. ఈ క్రమంలో మాజీ మంత్రి హరీష్ రావు (Harish Rao) సైతం పార్టీ అధికారం కోల్పోవడానికి కారణాలు తెలిపారు.. తెలంగాణ భవన్ లో నేడు జరిగిన పెద్ద పల్లి పార్లమెంటు నియోజక వర్గ సన్నాహక సమావేశంలో పాల్గొన్న హరీష్ రావు కీలక వ్యాఖ్యలు చేశారు.

రాష్టాన్ని అభివృద్ధి చేసిన.. కొందరి దుష్ప్రచారం వల్ల ఓడిపోయామని వెల్లడించారు.. అనారోగ్యం నుంచి కేసీఆర్ (KCR) కోలుకుంటున్నారని.. త్వరలో సంపూర్ణ ఆరోగ్యవంతుడై ప్రజల మధ్యలోకి వస్తారన్నారని తెలిపిన హరీష్ రావు.. కాంగ్రెస్ (Congress)పై మండిపడ్డారు.. ప్రస్తుత ప్రభుత్వం రద్దులు వాయిదాలు అన్నట్టుగా నడుస్తోందని.. కాంగ్రెస్ విపరీత చర్యలపై ఉద్యమిస్తామని వెల్లడించారు.

తెలంగాణ కోసం ఉద్యమంలో రాజీనామాలు చేశాం తప్ప రాజీపడలేదని ఘాటుగా స్పందించిన హరీష్ రావు.. కాంగ్రెస్ పాలన తీరు చూస్తుంటే ఏడాదిలో ప్రజల నుంచి తిరుగుబాటు తప్పదని జోష్యం చెప్పారు.. బీఆర్‌ఎస్ కార్యకర్తలపై కక్ష సాధింపు చర్యలు మానుకోవాలని సూచించారు.. ఇప్పటికి కొన్ని చోట్ల వడ్ల పైసలు కూడా పడలేదు. రైతు బంధు వేయలేదు. ఇలాగైతే రైతులు వ్యవసాయం ఎలా చేయాలని ప్రశ్నించారు.

రాష్ట్రంలో తొలిసారి ప్రధాన ప్రతిపక్ష పాత్ర పోషిస్తున్నాం. తమ సత్తా ఏమిటో చూపిస్తామని హరీష్ రావు హెచ్చరించారు. పార్లమెంట్ ఎన్నికల్లో పెద్దపల్లి స్థానాన్ని కైవసం చేసుకునేందుకు కార్యకర్తల సమష్టి కృషి అవసరమని గుర్తు చేశారు.. ఇందుకు అనుగుణంగా త్వరలోనే కేసీఆర్ జిల్లాల పర్యటనలు ఉంటాయన్నారు. కాంగ్రెస్ ప్రభుత్వం, కిట్ మీద ఉన్న కేసీఆర్ గుర్తును చెరిపేస్తోందని.. కానీ తెలంగాణ ప్రజల గుండెల నుంచి ఆయనను తొలగించలేరని పేర్కొన్నారు..

గత ప్రభుత్వం ప్రతిష్ఠాత్మకంగా తీసుకొచ్చిన ధరణి పోర్టల్​ (Dharani Portal) విషయంలో ఇప్పటి వరకు ప్రభుత్వం క్లారిటీ ఇవ్వలేదంటున్నారు.. అయితే ఈ పోర్టల్ పై స్పష్టతనివ్వాలని ప్రస్తుత ప్రభుత్వాన్ని హైకోర్టు ఆదేశించింది. కాంగ్రెస్ ప్రభుత్వం(Congress Government) ధరణిని కొనసాగిస్తారా?.. లేదా?.. చెబితే.. ఈ అంశాన్ని పరిగణనలోకి తీసుకొని తమ ముందున్న పిటిషన్లను పరిష్కరిస్తామని తెలిపింది.

ఈ విషయంలో ప్రభుత్వం ఎలాంటి ఆలోచనలో ఉందో వివరణ ఇవ్వాలని నూతన అడ్వొకేట్ జనరల్ సుదర్శన్​ రెడ్డిని హైకోర్టు (High Court) అడిగింది. అయితే ప్రభుత్వ నిర్ణయం చెప్పడానికి 4 వారాల గడువు కావాలని ఏజీ చెప్పడంతో విచారణను ఫిబ్రవరి 2వ తేదీకి వాయిదా వేసింది. మరోవైపు ధరణి పోర్టల్​ పై తీవ్ర ఆరోపణలు ఉన్న నేపథ్యంలో ఎన్నికల ముందు నుంచి కాంగ్రెస్ (Congress) నేతలు పలు విమర్శలు చేశారు..

అయితే ఇప్పటికి ధరణి పోర్టల్​ వల్ల రైతులకి ఎలాంటి ఉపయోగం లేదనే వాదనలున్నాయి.. మరోవైపు ఈ పోర్టల్ వల్ల చాలా సమస్యలు ఉత్పన్నం అవుతున్నాయనే ఆరోపణలు వినిపిస్తున్నాయి.. ఈ క్రమంలో రంగారెడ్డి జిల్లా గండిపేట మండలం వట్టిగాగులపల్లిలో వివిధ సర్వే నెంబర్లలోని 146.05 ఎకరాలకు చెందిన వివాదం రగులుకొంది.

ఈ భూమి విక్రయ దస్తావేజుల సర్టిఫైడ్ కాపీలను గండిపేట ఎమ్​ఆర్​ఓ ఇవ్వకపోవడాన్ని సవాల్ చేస్తూ.. హైదరాబాద్​కు చెందిన ఎం జైహింద్ రెడ్డితో పాటు మరికొందరు ధరణిలో ఎదువుతున్న సమస్యలపై పిటిషన్లు దాఖలు చేశారు. దీనిపై జస్టిస్ లక్ష్మణ్ గత ఏడాది ఏప్రిల్లో విచారణ చేపట్టడంతో పాటు భూపరిపాలన ప్రధాన కమిషనర్​ను కోర్టుకు పిలిపించి పలు సందేహాలపై వివరణ కోరారు. మరోవైపు ధరణిలో 20 వరకు ప్రధానంగా సమస్యలు ఉన్నాయని కోర్టుకు వస్తున్న పిటిషన్ల ఆధారంగా గుర్తించారు.. ఈ నేపథ్యంలో వీటి పరిష్కారానికి మార్గం చూపుతారా.. లేదా ధరణి క్యాన్సిల్ చేస్తారా అనేది సస్పెన్స్ లో ఉంది..

ప్రజాసేవ పేరుతో రాజకీయాల్లోకి వచ్చి.. ప్రజలకే కుచ్చుటోపీ పెడుతోన్న నేతలు రాజకీయాల్లో పెరిగిపోతున్నారనే ఆరోపణలున్నాయి.. అందులో ఒకప్పుడు స్కామ్ లు ఎక్కువగా ఉండేవి.. కానీ బీఆర్ఎస్ (BRS) అధికారంలోకి వచ్చాక భూ కబ్జాలు (Land grabs) ఎక్కువైయ్యాయని రాష్ట్రం మొత్తం కోడై కూసిన సందర్భాలున్నాయి.. పార్టీలు మారిన కబ్జాసూరుల బారిన పడిన బాధితుల సమస్యలు మాత్రం తీరడం లేదని అనుకొంటున్నారు.

ఈ నేపథ్యంలో మరోసారి భూ బాధితులు రోడ్డెక్కారు.. మంచిర్యాల (Mancherial) ఎమ్మెల్యే ప్రేమ సాగర్ రావు (MLA Prema Sagar Rao) మాజీ మంత్రి మల్లారెడ్డి (Mallareddy) నుంచి తమ భూ ములను కాపాడాలంటూ ప్రజాభవన్ ముందు ఆందోళనకు దిగారు. కాప్రా సర్వేనెంబర్ 647/1, 648& 654లో భూమిని మంచిర్యాల కాంగ్రెస్ ఎమ్మెల్యే కబ్జా చేశారంటూ కాప్రా కృష్ణా నగర్ ప్లాట్ ఓనర్స్ నిరసన చేపట్టారు. సీఎం రేవంత్ రెడ్డి తమకు న్యాయం చేయాలంటూ ఫ్లకార్డులతో ఆందోళకి దిగారు..

మరోవైపు మాజీ మంత్రి మల్లారెడ్డి.. మేడ్చల్ జిల్లా గుండ్ల పోచంపల్లి సర్వేనెంబర్ 648/650లో తమ భూములను కబ్జా చేశారంటూ బాధితులు ఆరోపిస్తున్నారు. శ్రీ మల్లికార్జుననగర్ వెల్ఫేర్ డెవలప్‌మెంట్ సొసైటీలో తమ భూములను మల్లారెడ్డి కబ్జా చేసారంటూ.. ప్రజావాణిలో తమ సమస్య విన్నవించేందుకు 600 మందికిపైగా బాధితులు వచ్చారు. మల్లారెడ్డి నుంచి తమ భూములను కాపాడాలంటూ నినాదాలు చేశారు..

గత ప్రభుత్వ హయాంలో భారీగా భూములు కబ్జాకు గురైనట్టు ఆరోపణలు ఉన్న విషయం తెలిసిందే.. కాంగ్రెస్ ప్రభుత్వం అయినా ఇలాంటి సమస్యలు పురావృతం కాకుండా చూసుకొంటుందా అనే సందేహాలు కొందరిలో కలుగుతున్నాయి. ఇదే విషయాన్ని ప్రజాభవన్‌లో ప్రజావాణి కార్యక్రమం ద్వారా విన్నవించుకోవడానికి తరలి వస్తున్న బాధితులను చూస్తే భూ మాఫియా రాష్ట్రంలో ఏ స్థాయిలో రెచ్చిపోతుందో అర్థం అవుతుందని అనుకొంటున్నారు.

అడవిలో ఉంటేనే సింహం రాజులా ఉంటుందని అంటారు.. అలాగే అధికారంలో ఉంటేనే నేతలు మాటలు వింటారు.. లేకపోతే జరిగేది ఇదే అని నిరూపించారని ఈ సంఘటన గురించి తెలిసిన వారు అనుకొంటున్నారు.. అసలేం జరిగిందంటే.. బీఆర్ఎస్ (BRS) లో వర్గ విభేదాలు భగ్గుమన్నాయనే వార్త దావానంలా వ్యాపిస్తుంది.

ఒకవైపు అసెంబ్లీ ఎన్నికల్లో ఓడిపోయిన బీఆర్ఎస్.. కనీసం పార్లమెంట్ ఎన్నికల్లో (Parliament Elections) అయిన గెలిచి పరువు కాపాడుకోవాలనే ప్రయత్నాల్లో ఉంది. ఇదే సమయంలో తెలంగాణ భవన్ లో శుక్రవారం ఎమ్మెల్సీ మహేందర్ రెడ్డి (Mahender Reddy).. మాజీ ఎమ్మెల్యే రోహిత్ రెడ్డి (Rohit Reddy) అనుచరుల మధ్య వాగ్వాదం చోటు చేసుకొంది. చేవెళ్ల లోక్ సభ సన్నాహక సమావేశంలో, మహేందర్ రెడ్డి మాట్లాడుతోన్న సమయంలో.. రోహిత్ రెడ్డి వర్గం నినాదాలు చేయడం ఉద్రిక్తతకు దారితీసింది..

ఈ క్రమంలో ఎమ్మెల్సీ మహేందర్ రెడ్డి, మాజీ ఎమ్మెల్యే రోహిత్ రెడ్డి మధ్య మాటల యుద్ధం నడిచింది. ఇలా ఇరు వర్గాల పరస్పర నినాదాలతో అక్కడి వాతావరణం వేడేక్కింది. దీంతో ఆవేశానికి లోనైన పట్నం మహేందర్ రెడ్డి, పైలెట్ రోహిత్ రెడ్డి కుర్చీలు విసురుకోవడంతో అక్కడున్న వారంతా షాక్ అయ్యారు. మరోవైపు పార్టీ పరువు ఎక్కడ పోతుందో అని కొంత ఆందోళనకి గురైనట్టు తెలుస్తోంది.

ఇంతలో అక్కడే ఉన్న మాజీ మంత్రి హరీష్ రావు ఇరు వర్గాలకు సర్దిచెప్పడంతో వారు శాంతించినట్టు సమాచారం.. అదీగాక మహేందర్ రెడ్డి, రోహిత్ రెడ్డితో ప్రత్యేకంగా సమావేశమై బహిరంగంగా సమీక్ష సమావేశంలో గొడవపడితే పార్టీ శ్రేణులకు తప్పుడు సంకేతాలు వెళ్తాయని హరీష్ రావు ఇద్దరు నేతలకు స్పష్టం చేసినట్టు తెలుస్తోంది. మొత్తానికి బీఆర్ఎస్‌లో వర్గపోరు ఒక్క సారిగా కలకలం రేపింది. అయిన రాజకీయాలు అన్నాక ఇవన్నీ కామన్.. కానీ ప్రతిపక్షాలు ఫోకస్ చేస్తే ఈ అంశాలు రచ్చగా మారుతాయని తెలిసిందేగా అనుకొంటున్నారు..

గత బీఆర్ఎస్ (BRS) ప్రభుత్వం నామినేట్ చేసిన ఎమ్మెల్సీల (MLC)ను తిరస్కరిస్తూ గవర్నర్​ తీసుకున్న నిర్ణయంపై దాసోజు శ్రవణ్​ (Dasoju Shravan).. కుర్రా సత్యనారాయణ (Kurra Satyanarayana) హైకోర్టులో పిటిషన్ దాఖలు చేసిన విషయం తెలిసిందే.. అయితే ఆర్టికల్ 171 ప్రకారం గత ప్రభుత్వం తమను ఎమ్మెల్సీలుగా నామినేట్ చేసిందని.. ఆ అభ్యర్ధనను గవర్నర్ ఆపడానికి వీలు లేదని వీరిద్దరూ హైకోర్టులో పిటీషన్ దాఖలు చేశారు.

నేడు పిటీషన్ పై హైకోర్టు (High Court) విచారణ జరిపింది. క్యాబినెట్ నిర్ణయాన్ని గవర్నర్ ఆపడానికి వీలు లేదని శ్రవణ్, సత్యనారాయణ తరుపు న్యాయవాదులు కోర్టుకు తెలిపారు. మరోవైపు ఆర్టికల్ 361 ప్రకారం ఈ పిటిషన్ కు అర్హత లేదని గవర్నర్ తరుపు కౌన్సిల్ వాదించింది. కాగా ఇరు పక్షాల వాదనలు విన్న హైకోర్టు పిటీషన్ మెంటేనబిలిటీ పై విచారణ జరుపుతామని తెలిపింది.

జనవరి 24 కు తదుపరి విచారణ వాయిదా వేస్తున్నట్టు ప్రకటించింది. మరోవైపు నామినేటెడ్ కోటా ఎమ్మెల్సీలుగా దాసోజు శ్రవణ్, సత్యనారాయన పేర్లను గత బీఆర్ఎస్ సర్కార్ సూచించింది. అప్పటి క్యాబినెట్ సైతం ఆమోద ముద్ర వేసింది. దీంతో ఫైనల్ గా ఫైల్ గవర్నర్ దగ్గరకు వెళ్ళింది. అయితే గవర్నర్ ఆ ఫైల్ ను హోల్డ్ లో పెట్టింది.

ఇంతలో ఎన్నికలు రావడం.. బీఆర్ఎస్ పార్టీ అధికారం కోల్పోయి కాంగ్రెస్ రూలింగ్ లోకి రావడంతో శ్రవణ్, సత్యనారాయణ ఎమ్మెల్సీ పదవులపై అయోమయం నెలకొంది. ఇదిలా ఉండగా.. గవర్నర్ తమిళిసై గతేడాది సెప్టెంబర్ 19న ఎమ్మెల్సీలను తిరస్కరించారు. అప్పడు మొదలైన వివాదం చివరికి కోర్టు మెట్లు ఎక్కింది. ఇంకా సస్పెన్స్ లోనే ఉంది..