Politics

జనగామ ఎమ్మెల్యే పల్లా రాజేశ్వర్ రెడ్డి, మాజీ ఎమ్మెల్యే రాజయ్యలపై ఎమ్మెల్యే కడియం శ్రీహరి(Kadiyam Srihari) కీలక వ్యాఖ్యలు చేశారు. హనుమకొండ జిల్లా ధర్మసాగర్, వేలేరు మండలాల కాంగ్రెస్ పార్టీ కార్యకర్తల విస్తృత స్థాయి సమావేశంలో ఆయన పాల్గొని మాట్లాడారు. పల్లా రాజేశ్వర్‌రెడ్డి(Palla Rajeshwar Reddy)కి వందల కోట్ల ఆస్తులు ఉండొచ్చు కానీ తనను విమర్శించే స్థాయి కాదని కడియం అన్నారు.

ఆయన ఓ దొంగ అని రాజయ్య మరో దొంగ అని ఎద్దేవా చేశారు. వీరిద్దరూ తోడు దొంగలు అంటూ విమర్శలు గుప్పించారు. తోడు దొంగలు వస్తున్నారు ప్రజలు జాగ్రత్తగా ఉండాలని కడియం శ్రీహరి సూచించారు. ప్రభుత్వాన్ని అడ్డు పెట్టుకొని వందల కోట్ల రూపాయలు సంపాదించిన వ్యక్తి వల్ల రాజేశ్వర్ రెడ్డి అని దుయ్యబట్టారు.

దళిత బంధులో రాజయ్యతో కలిసి లిఫ్ట్ ఇరిగేషన్లు తీసుకున్నది వాస్తవం కాదా? అని ప్రశ్నించారు. పల్లా చేసినట్లు తాను ప్రభుత్వాన్ని అడ్డం పెట్టుకొని యూనివర్సిటీ, మెడికల్ కాలేజీలు తెచ్చుకోలేదని తెలిపారు. మనబడి మన ప్రణాళికలో సొంత తమ్ముడికి కాంట్రాక్టు ఇవ్వగా అతడిపైకేసు నమోదైందని, పల్లాపై కూడా భూ కబ్జాలు చేశాడని కేసు నమోదైందని కడియం శ్రీహరి గుర్తు చేశారు.

రూ.104 కోట్ల కమిషన్ తీసుకున్నాడని ఆరోపించారు. దీన్ని నిరూపిస్తే శాసనసభ సభ్యత్వానికి రాజీనామా చేస్తావా? అని పల్లాకు కడియం సవాల్ విసిరారు. అదే లిఫ్ట్ ఇరిగేషన్‌లో తాను ఒక్క రూపాయి కమిషన్ తీసుకున్నట్లు నిరూపిస్తే.. తన ఎమ్మెల్యే పదవికి రాజీనామా చేస్తానని కడియం శ్రీహరి స్పష్టం చేశారు.

జగన్(Jagan) అధికారంలోకి రాగానే ఆయన కళ్లు తీరప్రాంతంపై పడ్డాయని టీడీపీ(TDP) అధికార ప్రతినిధి ఆనం వెంకట రమణారెడ్డి(Anam Venkata Ramanareddy) ఆరోపించారు. మంగళగిరి(Mangalagiri)లోని పార్టీ కార్యాలయంలో మంగళవారం నిర్వహించిన మీడియా సమావేశంలో ఆయన మాట్లాడారు.

ఏపీకి అతిపెద్ద తీర ప్రాంతం ఉందని తెలిపారు. జగన్‌కు అధికారంలోకి వచ్చినప్పటి నుంచీ దీనిపైనే కన్ను అని విమర్శించారు. చంద్రబాబు తీర ప్రాంతాన్ని ‘గేట్ వే ఆఫ్ ఇండియా’గా మార్చాలని చంద్రబాబు అనుకుంటే.. జగన్ మాత్రం ‘గేట్ వే ఆఫ్ జగన్’ గా మార్చారని విమర్శించారు. కబ్జా చేయాలనుకుంటే మొదట జగన్‌కు గుర్తొచ్చేది విజయసాయిరెడ్డి అని దుయ్యబట్టారు.

వైసీపీ అక్రమంగా సంపాదించిన డబ్బును వడ్డీతో సహా వసూలు చేస్తామని ఆనం హెచ్చరించారు. విజయసాయిరెడ్డి వియ్యంకుల కంపెనీ అరబిందో సంస్థ జగన్‌కు బినామీగా వ్యవహరిస్తోందని అన్నారు. మంచి లాభాలతో ఉన్న కాకినాడ సీ పోర్టుపై మొదట జగన్ కళ్లుపడ్డాయని, 2019 నుంచి కేఎస్పీఎల్‌పై దాడి మొదలైందని వెల్లడించారు. షేర్లు ఇవ్వాలని బెదిరించినా ఆ సంస్థ ఒప్పుకోలేదని, ఏటా రూ.300 కోట్లు లాభాల్లో ఉన్న కంపెనీ వాటా ఇవ్వబోమని తెగేసి చెప్పిందని గుర్తు చేశారు.

దీంతో ప్రభుత్వానికి రూ.965.65 కోట్లు ఎగ్గొట్టిందని రిపోర్టు తీసుకొచ్చారని తెలిపారు. విజయసాయిరెడ్డి వెళ్లి బెదిరిస్తే డబ్బు కడతామని ఆ సంస్థ చెప్పేసింది. ఇంత బెదిరించినా కేఎస్పీఎల్ లొంగలేదని మళ్లీ ఆడిట్‌కు ఆదేశించారని తెలిపారు. షేర్ హోల్డర్లు, డైరెక్టర్లు, సీఈవోలను జైలుకు పంపిస్తామని బెదిరించారని , టీడీపీ అధికారంలోకి రాగానే అక్రమాలను వెలికితీస్తామని ఆనం వెంకటసాయిరెడ్డి తెలిపారు.