Politics

టీచర్ ఎలిజిబిలిటీ టెస్ట్ (TET) ఫీజుల పెంపుపై మాజీ మంత్రి హరీశ్‌రావు(Ex Minister Harish Rao) ఆగ్రహం వ్యక్తం చేశారు. టెట్ ఫీజులను తగ్గించకుంటే ఊరుకోబోమని, నిరుద్యోగులతో కలిసి పోరాటానికి సిద్ధమని స్పష్టం చేశారు. ఈ మేరకు సీఎం రేవంత్‌రెడ్డి(CM Revanth Reddy)కి మాజీ మంత్రి లేఖ(Letter)రాశారు. ఈ సందర్భంగా హరీశ్‌రావు ప్రభుత్వ తీరుపై అసహనం వ్యక్తం చేశారు. ఫీజులు భారీగా పెంచడంతో నిరుద్యోగులకు తీవ్ర నష్టం జరుగుతోందని పేర్కొన్నారు.

నిరుద్యోగుల నుంచి రూపాయి ఫీజు తీసుకోకుండా దరఖాస్తులు స్వీకరిస్తామని మేనిఫెస్టోలో చెప్పిన కాంగ్రెస్ ఇప్పుడు ఫీజుల పేరుతో నిరుద్యోగుల నడ్డి విరుస్తోందని మండిపడ్డారు. బీఆర్ఎస్ ప్రభుత్వ హయాంలో, టెట్ ఒక పేపర్ రాసినా, రెండు పేపర్లు రాసినా రూ.400 మాత్రమే ఫీజు తీసుకోగా, ఈ ఏడాది ఒక పేపరు రూ.1,000, రెండు పేపర్లకు రూ.2,000 ఫీజుగా వసూలు చేస్తున్నారని ఆగ్రహం వ్యక్తం చేశారు.

కాంగ్రెస్ సర్కార్ ఎస్సీ, ఎస్టీ, దివ్యాంగ విద్యార్థులకు ఇచ్చే రాయితీని విస్మరించడం విద్యార్థులు, నిరుద్యోగును మోసం చేయడమేనని మండిపడ్డారు. రిజర్వుడ్ విద్యార్థులకు ఫీజు రాయితీ కల్పించకుండా జనరల్ క్యాటగిరీ విద్యార్థులతో సమానంగా ఒకే తరహా ఫీజులను అమలు చేయడం రాజ్యాంగ సూత్రాలకు విరుద్ధమన్నారు. జాతీయ స్థాయిలో నిర్వహిస్తున్న సీటెట్ లో ఎస్సీ, ఎస్టీలకు సీబీఎస్ఈ ఫీజు రాయితీని అమలు చేస్తోందని, తెలంగాణలో ఏపీసెట్, ఐసెట్ వంటి ప్రవేశ పరీక్షల్లోనూ ఫీజుల రాయితీని అమలు చేస్తున్నారు.

కానీ టెట్‌లో మాత్రం తెలంగాణ ప్రభుత్వం రాయితీ ఇవ్వకపోవడమేంటని ప్రశ్నించారు. ప్రభుత్వ నిర్ణయాలతో చదువుకోవాల్సిన విద్యార్థులు రోడ్లపైకి వచ్చి ఆందోళనలు చేయాల్సిన పరిస్థితి నెలకొందని ఆందోళన వ్యక్తం చేశారు. అయినప్పటికీ ప్రభుత్వం స్పందించకపోవడం శోచనీయమనానరు. ‘ఇదేనా ఇందిరమ్మ రాజ్యం, ఇదేనా మీ సోకాల్డ్ ప్రజా పాలన?’ అని హరీశ్‌రావు ప్రశ్నించారు. రేవంత్ సర్కార్ ఇచ్చిన మాటను నిలబెట్టుకోవాలని హితవు పలికారు. వెంటనే టెట్ ఫీజులు తగ్గించాలని బీఆర్ఎస్ పక్షాన ప్రభుత్వాన్ని డిమాండ్ చేశారు. లేదంటే విద్యార్థులు, నిరుద్యోగుల తరుపున పోరాటం తప్పదని హెచ్చరించారు.

కాంగ్రెస్ (Congress) ప్రభుత్వంపై వరుసగా బీఆర్ఎస్ (BRS) ముఖ్యనేతలు మండిపడుతున్నారు.. ప్రభుత్వం అవలంభిస్తున్న విధానాలను ఎత్తి చూపుతూ తీవ్ర ఆరోపణలు చేస్తున్నారు.. ఈ క్రమంలో ప్రభుత్వంపై మాజీ మంత్రి హరీష్రావు (Harish Rao) విమర్శలతో విరుచుకుపడ్డారు.. పంటలు కోతలకు వచ్చే సమయంలో కూడా రైతు బంధు ఇవ్వక పోవడం విడ్డూరంగా ఉందని ఎద్దేవా చేశారు..

పార్లమెంట్ ఎన్నికలు ఉన్నందున 4 ఎకరాలకు రైతుబంధు ఇచ్చారని తెలిపారు.. ప్రభుత్వానికి కాంట్రాక్టర్లపై ఉన్న ప్రేమ రైతులపై లేదని విమర్శించారు.. కాంగ్రెస్ అధికారంలోకి వచ్చింది కరువు కూడా వెంట తెచ్చిందని విమర్శించారు.. 100 రోజుల పాలనలో 280 మంది రైతులు ఆత్మహత్యలు చేసుకోవడం పాలనలో వైఫ్యల్యాన్ని సూచిస్తుందని ఆరోపించారు.. కామారెడ్డి (Kamareddy)కి తెలంగాణ (Telangana) ఉద్యమ చరిత్ర ఉంది. గులాబీ జెండాకు ఊపిరి పోసిన ప్రాంతం ఇదని హరీష్ రావు గుర్తు చేశారు..

కాంగ్రెస్ ఇచ్చిన హామీలు అన్నీ అమలు కావాలంటే ప్రభుత్వానికి కర్రు కాల్చి వాతపెట్టాల్సిందేనని పేర్కొన్నారు.. రాష్ట్రంలో అధికారం చేపట్టిన కాంగ్రెస్.. డిసెంబర్ 3న రైతులకు 2 లక్షల వరకు రుణమాఫీ చేస్తామన్నారు.. ఇప్పటివరకు చేయలేదు ఎందుకని ప్రశ్నించారు.. క్రాప్ లోన్ కట్టాలని బ్యాంక్ అధికారులు నోటీసులు ఇస్తామంటున్నారు. అయినా రైతులను ప్రభుత్వం పట్టించుకోవడం లేదని హరీష్ రావు ఆరోపించారు.

కేంద్రంలో బీజేపీ, రాష్ట్రంలో కాంగ్రెస్ మైనార్టీలను మోసం చేసిందని విమర్శించారు. పార్లమెంట్ ఎన్నికల్లో రేవంత్ రెడ్డికి బుద్ధి వచ్చేలా చేయాలని పిలునిచ్చారు.. మా నాయకులను కొనవచ్చు గానీ.. మా కార్యకర్తలను తెలంగాణ ఉద్యమ కారులను కొనలేవని కాంగ్రెస్ పై హరీష్ రావు మండిపడ్డారు.. ప్రజలను తప్పుదోవ పట్టిస్తూ రాజకీయం చేస్తున్న కాంగ్రెస్.. ఇకనైనా జనం కోసం ఆలోచించాలని హితవుపలికారు..

తెలంగాణ (Telangana) రాజకీయాల్లో మూడు పార్టీల మధ్య మాటల యుద్ధం ఊహించని విధంగా సాగుతోంది. ఇప్పటికే గులాబీ బాస్ కాంగ్రెస్ పై తీవ్ర విమర్శలతో విరుచుకుపడుతుండగా.. తాజాగా మహబూబ్‌నగర్ (Mahbubnagar) బీజేపీ (BJP) ఎంపీ అభ్యర్థి డీకే అరుణ సీఎం రేవంత్‌రెడ్డి (CM Revanth Reddy)పై ఓ రేంజ్ లో ఫైర్ అయ్యారు. మర్యాద లేకుండా మాట్లాడితే సహించేది లేదని వార్నింగ్ ఇచ్చారు..

నోరు ఉంది కదా అని ఇష్టం వచ్చినట్లు మాటలు జారి పరువు తీసుకోవద్దని సూచించారు.. నేడు మీడియాతో మాట్లాడిన డీకే అరుణ (DK Aruna).. రేవంత్‌రెడ్డిపై కీలక వ్యాఖ్యలు చేశారు.. ఓ ప్రెస్‌మీట్‌లో తనను దొరసాని అంటూ సీఎం మాట్లాడటం తనను తీవ్రంగా భాధించిందని తెలిపారు.. బాధ్యతయుతమైన పదవిలో ఉండి ఓ మహిళను అగౌరవ పరచడం.. ప్రజలు గమనిస్తున్నారని అన్నారు..

మీరు వ్యక్తిగత దూషణలకు దిగితే సహించేది లేదని స్ట్రాంగ్ వార్నింగ్ ఇచ్చారు. నా గురించి మాట్లాడే అర్హత కూడా రేవంత్‌రెడ్డికి లేదని మండిపడ్డారు.. పాలమూరు జిల్లా వ్యక్తి సీఎం అయ్యాడని ఆనందించాము.. కానీ ఆయన మాట తీరుకు సిగ్గుపడుతున్నట్లు డీకే అరుణ తెలిపారు.. తాను ఎప్పుడు రాజకీయ పరంగా విమర్శలు చేశానే తప్పా.. ఏ నాడు ఎవరిపై వ్యక్తిగత దూషణలకు పాల్పడలేదని పేర్కొన్నారు.. ఒక ఎమ్మెల్యేగా, ఎంపీగా పనిచేసిన రేవంత్‌ ఉమ్మడి మహబూబ్‌నగర్ జిల్లాకు నువ్వు ఏం పీ..నవ్ చెప్పాలంటూ సంచలన వ్యాఖ్యలు చేశారు..

తెలంగాణ (Telangana) రాజకీయాలు ఆసక్తికరంగా మారాయి.. అసెంబ్లీ ఎన్నికల్లో ఓటమి పాలైనప్పటి నుంచి పెద్దగా ప్రజల్లోకి వెళ్లని కేసీఆర్.. తాజాగా జిల్లాల పర్యటన చేపట్టారు.. ఇందులో భాగంగా జనగామ, సూర్యాపేట (Suryapet)లోని వివిధ మండలాల్లో పర్యటించిన ఆయన మీడియాతో మాట్లాడారు.. కాంగ్రెస్ (Congress) ప్రభుత్వం విధానాలపై మండిపడ్డారు.. ప్రభుత్వానికి రాజకీయాలు చేయడానికి తీరిక ఉంది కానీ రైతు బంధు వేయడానికి తీరిక లేదా అని ఫైర్ అయ్యారు.

రాష్ట్రంలో ప్రభుత్వం కొత్తగా ఏర్పడ్డదని.. కుదురుకోవాలంటే సెట్ కావాలని కాస్త సమయమిచ్చినట్లు తెలిపారు. ఇప్పటికీ నాలుగు నెలలైంది కాబట్టి ప్రశ్నిస్తున్నామని తెలిపారు. రాజకీయాలు చేయడానికి సమయం ఉంది కానీ.. ప్రజల సమస్యలు పట్టించుకోరా అని ప్రశ్నించారు. రాష్ట్రంలో నెలకొన్న నీటి, విద్యుత్ సమస్యకు కారణమెవరని మండిపడ్డారు.. దేశంలోనే నెంబర్ 1గా ఉన్న తెలంగాణ.. కాంగ్రెస్ అధికారంలోకి వచ్చిన తక్కువ కాలంలోనే దిగజార్చిందని కేసీఆర్ (KCR) అన్నారు..

అభివృద్ధి చెందిన రాష్ట్రాన్ని ముందుకు తీసుకెళ్లడంలో ఎందుకీ అసమర్థత అని ప్రభుత్వాన్ని నిలదీశారు. రాష్ట్రంలో ఏడేళ్లుగా అద్భుతంగా నడిచిన పవర్ సిస్టం ప్రస్తుతం ఎందుకు విఫలం అయ్యిందో తెలపాలన్నారు.. దీనికి బాధ్యులు ఎవరని ప్రశ్నించారు.. మిషన్ భగీరథ పథకంలో సమస్య ఎందుకు వచ్చిందో వివరించాలని కోరారు.. రాష్ట్రంలో ఏర్పడ్డ నీటి సమస్యకు కారణమెవరని గులాబీ బాస్ ప్రశ్నించారు.

మళ్లీ నీళ్ల ట్యాంకర్లు తెచ్చుకునే పరిస్థితి తెలంగాణలో రావడం దురదృష్టకరం అని మండిపడ్డారు.. రాష్ట్రాన్ని 100 రోజుల్లో అస్తవ్యస్థం చేశారని విమర్శించారు. మరోవైపు బీఆర్‌ఎస్‌ ప్రభుత్వ హయాంలో ధాన్యం ఉత్పత్తిలో తెలంగాణ రాష్ట్రం దేశంలోనే నెంబర్‌ వన్‌ స్థాయికి ఎదిగిందని, ఇప్పుడు సాగునీళ్లు లేక పంటలు ఎండిపోతున్నాయని ఫైర్ అయ్యారు.. చాలా చోట్ల రైతులు కన్నీరుమున్నీరవుతున్నారని పేర్కొన్నారు..

పెట్టుబడులు పెట్టి నష్టపోయినం, మాకు తగిన పరిహారం ఇప్పించాలని వేడుకొంటునట్లు తెలిపారు.. ప్రభుత్వం ముందుగా నీళ్లు ఇస్తమని చెప్పింది. అందుకే తాము పంటలు వేశామని, కానీ తీరా పంటలు వేసిన తర్వాత నీళ్లు ఇవ్వకపోవడంతో నష్టపోయే పరిస్థితి వచ్చిందని ఆవేదన చెందుతున్నట్లు కేసీఆర్ పేర్కొన్నారు.. ‘రైతు బాగుంటేనే రాజ్యం బాగుంటదనే ఉద్దేశంతో గత ప్రభుత్వం కొన్ని స్పష్టమైన విధానాలు తీసుకుని చర్యలు చేపట్టిందని తెలిపారు..

రైతులకు అనేక పద్ధతుల ద్వారా నీరు సరఫరా చేయడం ఒకటని.. రైతుబంధు కార్యక్రమం ద్వారా రైతులకు సమయానికి పెట్టుబడి సాయం ఇవ్వడం రెండో పడ్డతని.. మూడోది సాగునీటి సరఫరాకు అంతరాయం లేకుండా నాణ్యమైన విద్యుత్‌ అందజేయడం, నాలుగోది ప్రభుత్వమే రాష్ట్రవ్యాప్తంగా కొనుగోలు కేంద్రాలు ఏర్పాటు చేసి పంటలను కొనుగోలు చేయడం, ఐదోది రైతులకు అనుకోనిది ఏదైనా సంభవిస్తే రైతుబీమా అందజేయడం. ఈ విధంగా అద్భుతమైన విధానాలను బీఆర్‌ఎస్‌ ప్రభుత్వం అమలు చేసిందని కేసీఆర్‌ వివరించారు..