Politics

లోక్ సభ ఎన్నికల (Lok Sabha Elections) నేపథ్యంలో బీజేపీ (BJP) నేతలు ప్రచారంలో దూకుడుగా వ్యవహరిస్తున్నారు.. ఇందులో భాగంగా విపక్షాలపై ప్రధాని మాటలతో విరుచుకు పడుతున్నారు.. సమాజ్‌వాదీ పార్టీ కి కంచుకోటగా ఉన్న ఉత్తర్‌ప్రదేశ్, అజాంగఢ్ లో పర్యటిస్తున్న మోడీ.. రూ. 34 వేల కోట్ల అభివృద్ధి కార్యక్రమాలను ప్రారంభించారు.. ఈ సందర్భంగా కీలక వ్యాఖ్యలు చేశారు..

భారతదేశ ప్రగతిపై అసంత‌ృప్తితో, ఎన్నికల ముందు చేస్తున్న అభివృద్ధి ప్రాజెక్టులు గెలుపు కోసం ఎర అని కొందరు విమర్శించడంపై మండిపడ్డారు.. గత నాయకులు ఎన్నికల ముందు పథకాలు, ప్రాజెక్టులను ప్రకటిస్తారు కానీ పూర్తి చేసేవారు కాదని మోడీ (Modi) విమర్శించారు.. ఉత్తర్ ప్రదేశ్ (Uttar Pradesh) అభివృద్ధిని విపక్షాలు చూడలేక కుళ్ళుకుంటున్నాయని ఎద్దేవా చేశారు..

దేశంలో కుటుంబ రాజకీయాలు చేసే వారు రోజురోజుకి మోడీని ద్వేషిస్తున్నారని, మోడీకి సొంత కుటుంబం అంటూ లేదని విమర్శించడం తెలుస్తోందని అన్నారు.. కానీ దేశంలోని 140 కోట్ల మంది ప్రజలు తన కుటుంబమే అని తెలిపారు. వారంతా ‘మోడీకా పరివార్’ అన్న విషయాన్ని మరచిపోతున్నారని పేర్కొన్నారు.. ఆజంగఢ్‌పై ప్రేమ-అభివృద్ధి చూపించడం కొందరికి నచ్చడం లేదని అన్నారు..

కులతత్వం, వంశ రాజకీయాలు, ఓటు బ్యాంకు రాజకీయాలు చేసే ఇండియా కూటమికి అసలే నిద్ర పట్టడం లేదని ఎద్దేవా చేశారు. అదేవిధంగా పూర్వంచల్ ప్రాంతం దశాబ్ధాలుగా కులతత్వం, బుజ్జగింపు రాజకీయాలను చూస్తోందని అన్నారు. సీఎం యోగి ఆదిత్యనాథ్ (CM Yogi Adityanath) నాయకత్వంలో గత 7 ఏళ్లలో అభివృద్ధి చెందిందని మోడీ వెల్లడించారు.. మరోవైపు నేడు రూ.34,000 కోట్లతో అనేక అభివృద్ధి కార్యక్రమాలను ప్రారంభించారు.

లోక్‌సభ ఎన్నికలకు ముందు రాజస్థాన్‌(Rajasthan)లో కాంగ్రెస్ పార్టీ(Congress Party)కి బిగ్ షాక్ తగిలింది. మాజీ సీఎం అశోక్ గెహ్లాట్‌(Former CM Ashok Gehlot)కు సన్నిహితుడైన మాజీ కేబినెట్ మంత్రి, కాంగ్రెస్ నాయకుడు లాలచంద్ కటారియాతో సహా 32 మంది పార్టీ నేతలు బీజేపీలో చేరారు.

రాజధాని జైపూర్‌లోని బీజేపీ రాష్ట్ర కార్యాలయంలో సీఎం భజన్లాల్ శర్మ, బీజేపీ రాష్ట్ర అధ్యక్షుడు సీపీ జోషి, కేంద్ర మంత్రి భూపేంద్ర యాదవ్ సమక్షంలో ఈ నేతల మెగా చేరిక కార్యక్రమాన్ని నిర్వహించారు. బీజేపీలో చేరిన కాంగ్రెస్ నేతలలో ఇద్దరు మాజీ మంత్రులు, నలుగురు మాజీ ఎమ్మెల్యేలు ఉన్నారు. పార్టీలో చేరిన నేతలకు బీజేపీ నేతలు కండువా కప్పి స్వాగతం పలికారు.

రాజస్థాన్ రాజకీయాల్లో ఈ సమూల మార్పు కారణంగా రాజకీయ సమీకరణాలు మారిపోయాయి. కాంగ్రెస్‌ను వీడి బీజేపీలో చేరిన నాయకుల్లో నాగౌర్‌లోని చాలా మంది అనుభవజ్ఞులైన జాట్ నాయకులు ఉన్నారు. కాంగ్రెస్ నేతల ఈ మెగా చేరికతో బీజేపీ ఉత్సాహంగా ఉంది. రాజస్థాన్‌లోని 25 స్థానాలకు గానూ 25 స్థానాలు గెలుచుకున్నట్లు బీజేపీ మరోసారి ప్రకటించింది.

గెహ్లాట్ ప్రభుత్వంలో మంత్రిగా పనిచేసిన లాలచంద్ కటారియా, రాజేంద్ర యాదవ్, మాజీ ఎమ్మెల్యే రిచ్పాల్ మిర్ధా, ఖిలాడీ లాల్ బైర్వా, అలోక్ బెనివాల్, విజయపాల్ మిర్దా, భిల్వారా జిల్లా మాజీ అధ్యక్షుడు రాంపాల్ శర్మ ఉన్నారు. అనంతరం లాల్ చంద్ కటారియా మాట్లాడుతూ.. మనస్సాక్షితోనే బీజేపీలో చేరానని, రైతుల సమస్యలను పరిష్కరించాలన్నారు. ఎన్నికల్లో బీజేపీని ముందుకు తీసుకెళ్తామన్నారు. ప్రపంచంలో భారత్‌కు ప్రధాని మోడీ గుర్తింపు తెచ్చారన్నారు.

సంవిధాన్ బచావో… బీజేపీ హటావో అంటూ కాంగ్రెస్ పార్టీ అగ్రనేత రాహుల్ గాంధీ(Rahul Gandhi) పిలుపునిచ్చారు. బాబా సాహెబ్ రాజ్యాంగాన్ని ధ్వంసం చేయడమే నరేంద్ర మోదీ, బీజేపీల అంతిమ లక్ష్యంగా కనిపిస్తోందంటూ తన ఎక్స్(x) వేదికగా ఆరోపించారు.

రాజ్యాంగాన్ని మార్చాలంటే 400 సీట్లు కావాలని బీజేపీ ఎంపీ చేసిన ప్రకటన నరేంద్ర మోడీ, ఆయన ‘సంఘ్ పరివార్’ దాగి ఉన్న ఉద్దేశాలను బహిరంగంగా ప్రకటించడమేనని అన్నారు. వారు న్యాయం, సమానత్వం, పౌర హక్కులు, ప్రజాస్వామ్యాన్ని ద్వేషిస్తారంటూ దుయ్యబట్టారు. సమాజాన్ని విభజించి, మీడియాను బానిసలుగా చేస్తున్నారని ఆందోళన వ్యక్తం చేశారు.

స్వతంత్ర సంస్థలను నిర్వీర్యం చేస్తూ, ప్రతిపక్షాలను అంతమొందించేందుకు కుట్రలు పన్నుతున్నారంటూ ఆరోపించారు. గొప్ప ప్రజాస్వామ్యాన్ని కలిగివున్న భారత్‌ను సంకుచిత నియంతృత్వంగా మార్చాలనుకుంటున్నారని మండిపడ్డారు. రాజ్యాంగం ప్రసాదించిన ప్రజాస్వామిక హక్కుల కోసం చివరి శ్వాస వరకు పోరాడుతూనే ఉంటామని పేర్కొన్నారు.

స్వాతంత్య్ర వీరుల కలలు నెరవేరకుండా చేస్తున్న ఈ కుట్రలను ఫలించబోమన్నారు. రాజ్యాంగంలోని ప్రతీ సైనికుడు, ముఖ్యంగా దళితులు, గిరిజనులు, వెనుకబడిన, మైనారిటీలు మేల్కొనాల్సిన అవసరముందన్నారు. ‘మీ గళాన్ని పెంచండి – భారతదేశం మీ వెంట ఉంది..’ అంటూ పిలుపునిచ్చారు.

నటి సంభవనా సేథ్(Sambhavna Seth) సంచలన ప్రకటన చేసింది. సోషల్ మీడియా హ్యాండిల్ ఎక్స్‌(x)లో పోస్ట్ చేస్తూ ఆమ్ ఆద్మీ పార్టీని వీడుతున్నట్లు ప్రకటించింది. దేశానికి సేవ చేసేందుకే పార్టీలో చేరానని, ఇప్పుడు పార్టీలో చేరడం తాను చేసిన పెద్ద తప్పుగా భావిస్తున్నట్లు పశ్చాత్తాపాన్ని వ్యక్తం చేసింది.

‘‘నేను ఏడాది కిందట చాలా ఉత్సాహంతో ఆమ్ ఆద్మీ పార్టీలో చేరాను. నేను ఆప్‌లో చేరినప్పుడు, నా దేశానికి సేవ చేయాలని నిర్ణయించుకున్నా. మనుషులం కాబట్టి ఎంత తెలివిగా నిర్ణయాలు తీసుకున్నా ఎప్పుడో ఒకసారి తప్పు చేయవచ్చు. నా తప్పును గ్రహించి, ఆప్ నుంచి నిష్క్రమిస్తున్నట్లు అధికారికంగా ప్రకటిస్తున్నా.’’ అంటూ పేర్కొంది.

రియాలిటీ షో స్టార్ సంభవనా సేథ్ 20 జనవరి 2023న ఆమ్ ఆద్మీ పార్టీలో చేరారు. సినిమాలతో పాటు అతిపెద్ద రియాలిటీ షో బిగ్ బాస్ భాగమైన సంభవ, ఢిల్లీ ఆప్ కార్యాలయంలో పార్టీ సభ్యురాలు అయ్యారు. పార్టీ సభ్యురాలిగా ఉన్న సమయంలో తాను డ్యాన్స్‌కు దూరంగా రాజకీయాల్లోకి వస్తానని ఎప్పుడూ అనుకోలేదని సంభవనా సేథ్ చెప్పారు.

రాజకీయాల్లో భాగం కావడం తన స్వభావమని అయితే దాని గురించి తాను ఎప్పుడూ ఆలోచించలేదని ఆయన అన్నారు. నేను దేశానికి ఏదైనా మంచి చేయాలనుకుంటున్నాను అని సంభవన్ అన్నారు. 12 ఏళ్ల కిందట తాను సంజయ్ సింగ్, అరవింద్ కేజ్రీవాల్‌తో మాట్లాడానని సంభవన్ చెప్పారు.