sai krishna

భారతీయ రైల్వే శాఖ మరో అడుగు ముందు కేస్తోంది. అత్యాధునిక సౌకర్యాలతో ప్రయాణికులకు సరికొత్త వందేభారత్ ను కానుకివ్వనుంది. రైళ్లలో సైతం విమాన సౌకర్యాలను కల్పించే విధంగా కొత్త ట్రైన్ లో విమానంలో ఉండే బ్లాక్బాక్స్(Blackbox)ను అమర్చుతున్నారు.

బంగాల్లోని చిత్తరంజన్ లోకోమోటివ్ కోచ్ ఫ్యాక్టరీ(Chittaranjan Locomotive Coach Factory )లో మొదటిసారిగా ఈ తరహా ఇంజిన్లను తయారు చేస్తున్నారు. ఇక్కడ ప్రస్తుతం నాలుగు వందేభారత్ రైల్ ఇంజిన్లు తయారు చేస్తున్నారు. సెప్టెంబర్లో ఇంజిన్లను తయారుచేసిన తరవాత, వాటిని చెన్నైలోని ఇంటెగ్రల్ కోచ్ ఫ్యాక్టరీలో(ICF) పరీక్షిస్తారు.

అనంతరం దేశంలోని వివిధ ప్రాంతాల్లో వందేభారత్ రైళ్లు నడుస్తున్నాయి. కొత్త వందే భారత్లో సీసీఆర్వీసీ అనే విమానంలోని బ్లాక్బాక్స్ తరహా సాంకేతికత ఉండనుంది.ఇది పైలట్ అన్ని కదలికలను గమనిస్తుంది.

వాటిని ఆడియో, వీడియో రూపంలో భద్రపరుస్తుంది. రైలు ఏదైనా ప్రమాదానికి గురైతే ఈ బ్లాక్ బాక్స్లోని సమాచారం ఆధారంగా ప్రమాదానికి గల కారణాలను గుర్తిస్తారు.

చిత్తరంజన్ లోకోమోటివ్ కోచ్ ఫ్యాక్టరీ జనరల్ మేనేజర్ దేబీ ప్రసాద్ మాట్లాడుతు..”గతంలో భారతీయ రైల్వే తయారు చేసిన WAP-5 కోచ్లు హై స్పీడ్ ఎలక్ట్రిక్ కోచ్లు. ఇప్పుడు వీటికి కొత్త రూపం ఇస్తున్నాం. ఇది ఏరో డైనమిక్ ఇంజిన్(Dynamic engine).

రైలు ముందు భాగం 20 డిగ్రీలుగా ఉండేది, ప్రస్తుతం దాన్ని 45 డిగ్రీలు ఉండేలా తయారు చేశాం.దీని వల్ల ఇంజిన్లో గాలి నిరోధకత తగ్గి, రైలు శక్తి, వేగం పెరుగుతుంది. కొత్త డిజైన్లో రైలు ముందు భాగంలో ఉండే గ్లాస్ను పెద్దదిగా ఉండేలా తయారు చేశాం. దీంతో డ్రైవర్ ప్రతిదీ మరింత స్పష్టంగా చూడగలడు.”

రైలుకు ముందు, వెనక రెండు ఇంజిన్లు ఉంటాయి. ఇవి ముందుకు, వెనక్కు ప్రయాణించేందుకు వీలుగా ఉంటాయి. రెండు ఇంజిన్లను ఒక పైలట్ మాత్రమే నియంత్రించగలిగే విధంగా సాంకేతికతను జోడిస్తున్నారు.

24 ప్యాసింజర్ కోచ్ లను లాగగలిగే సామర్ధ్యం ఈ ఇంజిన్లకు ఉంటుంది.ఒకే ట్రాక్ పై రెండు ప్రయాణిస్తే ఆటోమేటిక్ గా రైలు ఆగిపోతుంది. ఆధునిక సాంకేతికతతో కూడిన ఎయిర్ కండీషన్ డ్రైవర్ క్యాబిన్(Condition driver’s cabin).అయితే క్యాబిన్ లో మరుగుదొడ్డి సౌకర్యం లేదు

హిమాచల్ ప్రదేశ్(Himachal Pradesh)లోని భారీ వర్షాల కారణంగా ప్రతి ఇల్లు ప్రమాద నిలయంగా మారింది. ఇళ్లన్నీ పేకమేడల్లా కూలుతున్నాయి. కుల్లులో ఏ క్షణాన ఏ భవనం కూలుతుందో తెలియని పరిస్థితి నెకొంది. క్షణం ముందు చూసిన ప్రదేశం మరో క్షణంలో బీభత్సంగా మారుతోంది.

‘కుల్లు’లోకొండచరియలు(Landslides) విరిగిపడి అనేక సంఖ్యలో నివాస భవనాలు కుప్ప కూలుతున్నాయి.అదృష్టవశాత్తు ఈ ఘటనలో ఎవరూ మరణించలేదని సమాచారం. కులులోని అన్నీ బస్టాండ్ సమీపంలో ఈ ప్రమాదం జరిగింది.

ప్రతిక్షణం ఊహకందని విధ్వంసంతో అక్కడి ప్రజలు బిక్కు బిక్కు మంటున్నారు. కుల్లూ(Kullu)లో ఇప్పటికే కుప్పకూలిన 8 భవనాలు సురక్షితం కావని ఐదారు రోజుల క్రితమే అధికారులు ప్రకటించారు.

భారీ వర్షాలకు ఈ భవనాల గోడలకు పగుళ్లు ఏర్పడ్డాయని గుర్తించి స్థానికులను ఇళ్లు ఖాళీ చేయించారు. ఈ భవనాల్లో దుకాణాలు, బ్యాంకులు ఇతర నివాసాలు ఉన్నట్లు తెలిపారు.

గురువారం అన్ని భవనాలు ఒకదాని తర్వాత మరొకటి నేలమట్టం అవడం వల్ల భారీగా ధూళి మేఘాలు(Clouds of dust) ఏర్పడ్డాయి. ఈ ప్రమాద తీవ్రతను చూసిన అధికారులు ముందు జాగ్రత్త చర్యలకు ఉపక్రమించారు.

కొండచరియలు విరిగిపడే అవకాశమున్న ఇతర ప్రాంత ప్రజలను ఖాళీ చేయిస్తున్నారు. ఈ ఒక్క నెలలోనే 120 మంది మృత్యువాత పడగా.. ఈ సీజన్‌ మొదలైన జూన్ 24 నుంచి 238 మంది మరణించారు. 40 మంది ఆచూకీ ఇంకా లభ్యం కాలేదు. మొత్తం 10వేల కోట్ల రూపాయల ఆస్తి నష్టం వాటిల్లినట్లు రాష్ట్ర ప్రభుత్వం ప్రకటించింది.

పిచ్చి పలు రకాలంటారు. యూట్యూబ్ చూసి వంటలు చేసినట్టుగా తన భార్యకు ప్రసవాన్ని చేశాడో చాదస్తపు భర్త. అతను చేసిన ప్రయోగానికి ఓ మగబిడ్డకు జన్మనిచ్చి పాపం ఆ అమాయకురాలు చనిపోయింది.ఈ వింత ఘటన తమిళనాడు(Tamil Nadu)రాష్ట్రం లోని కృష్ణగిరి జిల్లాలో జరిగింది. దీంతో ఆగ్రహించిన జిల్లా కలెక్టర్ నిందితుడిపై కఠిన చర్యలు తీసుకోవాలని పోలీసుల్ని ఆదేశించారు.

పోలీసుల సమాచారం ప్రకారం…పోచంపల్లి సమీపంలోని పులియాంపట్టి గ్రామానికి చెందిన లోకనాయకి(Lokanayaki) అనే యువతికి ధర్మపురి జిల్లా(Dharmapuri District)లోని అనుమంతపురం గ్రామానికి చెందిన మాదేశ్తో 2021లో వివాహం జరిగింది.

అతడు సేంద్రియ(organic) పద్ధతిలో వ్యవసాయం చేస్తూ జీవనం సాగిస్తున్నాడు. ఈ అదృష్టమే తన పాలిట దురదృష్టంగా మారింది. ఇటీవల గర్భం దాల్చిన లోకనాయకిని సేంద్రీయ పద్ధతిలో ట్రీట్ చేయడం మొదలు పెట్టాడు మాదేశ్. అందుకోసం లోకనాయకికి ఎలాంటి వైద్యం అందించలేదు.

స్థానికంగా ఉన్న ప్రభుత్వ వైద్యులు లోకనాయకి గర్భం దాల్చిన విషయం తెలిసి.. ఆమెకు వైద్య సదుపాయం అందించాలని ప్రయత్నించేవారు. ప్రభుత్వ రికార్డు(Government record)ల్లో నమోదు చేసుకోవాలని సూచించినా..మాదేశ్ తన మూర్ఖత్వంతో అందుకు ఒప్పుకోలేదు.

ప్రసవ సమయంలో ప్రభుత్వం అందించే వ్యాక్సిన్లతో పాటు పౌష్ఠికాహారాన్ని సైతం నిరాకరించేవాడు. స్థానిక వైద్యాధికారి పట్టుపట్టడం వల్ల రెండు వ్యాక్సిన్లను వేయడానికి అనుమతిచ్చాడు. ఆ తర్వాత లోకనాయకి పరిస్థితిని గమనించిన స్థానిక వైద్యాధికారులు.. ఆమెకు వైద్యం చేయడం తప్పనిసరని సూచించారు.

అదే పనిగా వైద్యాధికారులు ఒత్తిడి మేరకు.. లోకనాయకిని తీసుకుని తన స్వగ్రామానికి వెళ్లి అక్కడే చికిత్స చేస్తున్నాడు. పౌష్ఠికాహారం కోసం ప్రధానంగా గింజలు, ఆకుకూరలు అందించేవాడు.అయితే,ఈ క్రమంలోనే ఆగస్టు 22న ఇంట్లో ఉన్న లోకనాయకికి ప్రసవ నొప్పులు మొదలయ్యాయి.

వెంటనే తన ఫోన్లో చూసి లోకనాయకికి చికిత్స అందించాడు మాదేశ్( Madesh). సరైన రీతిలో వైద్యం అందించకపోవడం వల్ల మగ శిశువుకు జన్మనిచ్చిన లోకనాయకి అపస్మారక స్థితి(unconsciousness)లోకి వెళ్లిపోయింది.

వెంటనే అప్రమత్తమైన మాదేశ్..కున్నియార్లోని ఓ ఆస్పత్రికి తరలిస్తుండగా మార్గమధ్యలో లోకనాయకి మరణించింది. ఆందోళనకు గురైన మాదేశ్.. మృతదేహాన్ని ఎవరికీ తెలియకుండా తన స్వగ్రామానికి తీసుకుని వెళ్లాడు.

ఈ విషయాన్ని తెలుసుకున్న స్థానిక వైద్యాధికారి శశికుమార్.. పోలీసులకు సమాచారం అందించాడు. హుటాహుటిన ఘటనా స్థలానికి చేరుకున్న పోలీసులు…లోకనాయకి మృతదేహాన్ని స్వాధీనం చేసుకున్నారు.

అనంతరం ఆమె మృతదేహాన్ని పోస్టుమార్టం పరీక్షల కోసం పోచంపల్లి ప్రభుత్వ ఆస్పత్రికి తరలించారు. అనంతరం ప్రభుత్వ వైద్యురాలి ఫిర్యాదు మేరకు కేసు నమోదు చేసుకుని దర్యాప్తు చేపట్టారు పోలీసులు.