Breaking News

పార్లమెంట్ ఎన్నికలు దగ్గర పడుతున్న వేళ రాష్ట్ర రాజకీయాల్లో కీలక పరిణామాలు చోటుచేసుకుంటున్నాయి. సీఎం రేవంత్ రెడ్డి(Revanth Reddy)తో ఖైరతాబాద్ బీఆర్ఎస్ ఎమ్మెల్యే(BRS MLA) దానం నాగేందర్ భేటీ అయ్యారు. హైదరాబాద్‌లోని ముఖ్యమంత్రి నివాసానికి శుక్రవారం వెళ్లి మర్యాదపూర్వకంగా కలిశారు. దీంతో ఆయన పార్టీ మార్పు ఖాయమని వార్తలు వినిపిస్తున్నాయి.

ఇప్పటికే కాంగ్రెస్ పెద్దలతో ఆయన పలుమార్లు సమావేశమైన చర్చలు సైతం జరిపినట్లు తెలుస్తోంది. తాజాగా ఆయన స్వయంగా రేవంత్ రెడ్డిని కలవడం హాట్ టాపిక్‌గా మారింది. మొన్నటి అసెంబ్లీ ఎన్నికల్లో దానం నాగేందర్‌ బీఆర్ఎస్ తరపున పోటీ చేసి గెలుపొందారు. అంతకుముందు 2009, 2018 ఎన్నికల్లో ఖైరతాబాద్ శాసనసభ నియోజకవర్గం నుంచి ఎమ్మెల్యేగా గెలిచాడు.

ఉమ్మడి ఆంధ్రప్రదేశ్ రాష్ట్రంలో కార్మిక, ఉపాధి, శిక్షణ శాఖ, కర్మాగారాలు, పారిశ్రామిక శిక్షణా సంస్థల శాఖ, ఆరోగ్యశాఖ మంత్రిగా కూడా పనిచేశారు. ఇదిలా ఉండగా, తెలంగాణలో కాంగ్రెస్ సర్కార్ కొలువు దీరినప్పటి నుంచి బీఆర్ఎస్ నేతల్లో నిరుత్సాహం మొదలైంది. అప్పటి నుంచి కొందరు నేతలు ఆ పార్టీ కార్యకలాపాలకు దూరంగా ఉంటూ వస్తున్నారు. ఇప్పటికే ఎంపీ టికెట్‌పై ఆశలు పెట్టుకున్న కొందరు బీఆర్ఎస్ నేతలు టికెట్ లేదని తెలిసి ఒక్కొక్కరుగా పార్టీని వీడుతున్నారు.

ఇప్పటికే బీఆర్ఎస్ పార్టీ నుంచి మాజీ మంత్రి, ఎమ్మెల్సీ పట్నం మహేందర్ రెడ్డి, వికారాబాద్ జడ్పీ చైర్ పర్సన్ సునీత మహేందర్ రెడ్డి, రంగారెడ్డి జిల్లా చైర్ పర్సన్ అనిత హరినాథ్ రెడ్డి, మాజీ ఎమ్మెల్యే తీగల కృష్ణారెడ్డిలు పార్టీని వీడి కాంగ్రెస్ కండువా కప్పుకున్నారు. గురువారం చేవెళ్ల ఎంపీ రంజిత్ రెడ్డి, ఎమ్మెల్యే కాలె యాదయ్యలు కాంగ్రెస్‌లో చేరనున్నట్లు ప్రచారం జరిగింది. వారు నేడో రేపో కాంగ్రెస్ కండువా కప్పుకుంటారని తెలుస్తోంది.

తెలంగాణ (Telangana) రాజకీయాలు రోజు రోజుకు ఆసక్తికరంగా మారుతున్నాయి.. ఒకప్పుడు బీఆర్ఎస్ (BRS) అధికారంలోకి వచ్చాక ఏం జరిగిందో.. ప్రస్తుతం అదే సీన్ రిపీట్ అవుతుందని అనుకొంటున్నారు.. పదవులు లేకుండా ఉండలేని నేతలు.. వాటి కోసం ఒంటి మీది చొక్కా మార్చినట్లు పార్టీలు మారడం ప్రస్తుతం రాష్ట్రంలో బిగ్ స్క్రీన్ లో కనిపిస్తుందంటున్నారు.. అయితే ఈ సీజన్ లో బీఆర్ఎస్ బిత్తరపోయే పరిస్థితులు నెలకొన్నట్లు టాక్..

గురువు నేర్పిన విద్య శిష్యులు తూచ తప్పకుండా ఆచరించినట్లు.. కాంగ్రెస్ (Congress) అధికారంలోకి వచ్చాక.. కేసీఆర్ (KCR) ఐడియాలజీని ఆదర్శంగా తీసుకొన్నట్లు కనిపిస్తుందని అనుకొంటున్నారు.. ఫలితంగా కారు సీట్లు రోజు రోజుకు తగ్గిపోవడం కనిపిస్తోంది. పెద్దబాస్ ను ఈ విషయం కలవరపెడుతున్నా.. తాను నేర్పిన తంత్రాలు కాబట్టి నోరుమేదిపితే పరువు పోతుందని అనుకొంటున్నట్లు చర్చించుకొంటున్నారు..

ఇదిలా ఉండగా ప్రస్తుతం రంగారెడ్డి (Ranga Reddy) జిల్లాలో బీఆర్ఎస్ పార్టీ మొత్తం ఖాళీ అయ్యే పరిస్థితి నెలకొన్నట్లు ముచ్చటించుకొంటున్నారు. ఇప్పటికే మాజీ మంత్రి ఎమ్మెల్సీ పట్నం మహేందర్ రెడ్డి (Patnam Mahender Reddy), వికారాబాద్ జిల్లా చైర్ పర్సన్ సునీత మహేందర్ రెడ్డి, రంగారెడ్డి జిల్లా చైర్ పర్సన్ అనిత హరినాథ్ రెడ్డి, మాజీ ఎమ్మెల్యే తీగల కృష్ణరెడ్డి కారు దిగి కాంగ్రెస్ తీర్థం పుచ్చుకొన్నారు.

అదేవిధంగా చేవెళ్ల బీఆర్ఎస్ ఎంపీ రంజిత్ రెడ్డి, చేవెళ్ల ఎమ్మెల్యే కాలె యాదయ్య కూడా కాంగ్రెస్ కండువా కప్పుకోనున్నట్లు ప్రచారం జరుగుతోంది. మరోవైపు చేవెళ్ల ఎంపీ టికెట్ ఆశించిన సునీత మహేందర్ రెడ్డికి షాక్ తగిలింది. సిట్టింగ్ ఎంపీ రంజిత్ వైపు కాంగ్రెస్ చూపు మళ్లిందని అనుకొంటున్నారు. కాంగ్రెస్ చేసిన సర్వేలలో సునీతకు ఫలితం సానుకూలంగా రాలేదని, రంజిత్ రెడ్డి (Ranjith Reddy)కి అనుకూలంగా సర్వే ఫలితాలు వచ్చాయని తెలుస్తోంది.

దీంతో అయనకు దాదాపుగా కాంగ్రెస్ టికెట్ ఖరారు అయినట్టు తెలుస్తుంది. టికెట్ కన్ఫామ్ కాగానే నేడో రేపో కాంగ్రెస్ పార్టీ తీర్థం పుచ్చుకొనున్నట్లు ప్రచారం జరుగుతోంది. అదేవిధంగా 2014 ఎన్నికలలో కాంగ్రెస్ నుంచి గెలిచి బీఆర్ఎస్‌లోకి వలస వెళ్ళిన యాదయ్య ప్రస్తుతం సొంతగూటికి చేరే ఆలోచనలో ఉన్నట్లు జోరుగా ప్రచారం జరుగుతోంది. యాదయ్య ఇప్పటికే సీఎం రేవంత్ రెడ్డిని కలిసిన విషయం తెలిసిందే.

యాదాద్రి (Yadadri)ఆలయ ఈవో (EO) రామకృష్ణ రావును బదిలీ చేస్తున్నట్లు తెలంగాణ (Telangana) ప్రభుత్వం ప్రకటించింది. ఇటీవల సీఎం రేవంత్ రెడ్డి (Revanth Reddy) యాద్రాద్రి పర్యటనలో భాగంగా డిప్యూటీ సీఎం భట్టి విక్రమార్క (Bhatti Vikramarka)ను వేదపండితులు ఆశీర్వచనం ఇచ్చే సమయంలో మిగతా మంత్రుల కంటే కాస్త తక్కువ ఎత్తున్న స్టూల్‌పై కూర్చోబెట్టారు.

ఈ ఘటన సోషల్ మీడియాలో వైరల్ గా మారి.. తీవ్ర విమర్శలు ఎదుర్కొంది. అదీగాక ఉప ముఖ్యమంత్రికి అవమానం అంటూ పెద్ద ఎత్తున దుమారం నెలకొంది. ఇదే అంశంపై డిప్యూటీ సీఎం సైతం స్పందించారు. అవమానం లాంటిది ఏమీ లేదని… తానే కింద కూర్చున్నానని చెప్పుకొచ్చారు. అయినా నష్ట నివారణ చర్యల్లో భాగంగా ఆలయ ఈవో పై చర్యలు అధికారులు తీసుకొన్నారు. మొత్తానికి సోషల్ మీడియా ఆలయ ఈవో ఉద్యోగానికి చిక్కులు తెచ్చింది.

మరోవైపు యాదాద్రి ఆలయ ఈవోగా భాస్కరరావు‌ను బదిలీ చేస్తున్నట్లు ప్రభుత్వం ఉత్తర్వులు జారీ చేసింది.. దీంతో తీవ్ర విమర్శలు చేస్తున్న ప్రతిపక్షాల నోర్లకు తాళం పడినట్లే అని భావిస్తున్నారు.. ఇక ఈ ఘటనపై బీఆర్ఎస్ నేతలు నానా యాగీ చేసిన విషయం తెలిసిందే.. అయితే నష్ట నివారణ చర్యల్లో భాగంగా దేవాదాయ ధర్మాదాయ శాఖ చర్యలు చేపట్టింది. ఆలయ ఈవో రామకృష్ణరావుపై ట్రాన్స్ ఫర్ వేటు వేసింది. ఆయన స్థానంలో భాస్కర్‌రావుని ఆలయ ఈవోగా ప్రభుత్వం నియమిస్తూ జీవో జారీ చేసింది.

పార్లమెంట్ ఎన్నికల నేపథ్యంలో బీఆర్ఎస్(BRS) పార్టీకి వరుస షాక్‌లు తగులుతున్నాయి. కీలక నేతలంతా ఒక్కొక్కరుగా ఆ పార్టీని వీడుతున్నారు. తాజాగా మాజీ మంత్రి, మేడ్చల్ ఎమ్మెల్యే మల్లారెడ్డి(Ex Minister, Medchal MLA Mallareddy), ఆయన తనయుడు భద్రా రెడ్డి, మల్కాజ్ గిరి ఎమ్మెల్యే మర్రి రాజశేఖర్ రెడ్డి గురువారం బెంగళూరులో డీకే శివకుమార్‌తో భేటీ అయ్యారు.

వీరి భేటీ తెలంగాణ రాజకీయాల్లో చర్చనీయాంశంగా మారింది. కర్ణాటక డిప్యూటీ సీఎం డీకే శివకుమార్‌(Karnataka Deputy CM DK Shivakumar)ను బెంగళూరులోని ఓ హోటల్లో కలిసి వీరంతా మంతనాలు జరిపుతున్నట్లు తెలుస్తోంది. కాంగ్రెస్ పార్టీలో చేరేందుకు మల్లారెడ్డి రంగం సిద్ధం చేసుకున్నట్లు సమాచారం. రేపు ప్రియాంక గాంధీ అపాయింట్‌మెంట్‌ను మల్లారెడ్డి కుటుంబ సభ్యులు కోరినట్లు తెలిసింది.

ఇప్పటికే ఈనెల 4న మల్లారెడ్డి ఆయన కుమారుడు డాక్టర్ భద్రారెడ్డిలు రాష్ట్ర మంత్రివర్గంలోని ఓ కీలక మంత్రిని రహస్యంగా కలిసినట్లు సమాచారం. తనను కాంగ్రెస్ పార్టీలో చేర్చుకోవాలని మల్లారెడ్డి సదరు మంత్రిని కోరినట్లు వార్తలు వచ్చాయి. సీఎంను ఎలాగైనా ఒప్పించాలని, లేదంటే ఢిల్లీ స్థాయిలో తన కోసం ప్రయత్నాలు చేయాలని మల్లారెడ్డి కోరినట్లు తెలిసింది.

ఈనెల 6న ఎల్ఆర్ఎస్‌ విషయంలో కాంగ్రెస్ సర్కార్ మోసం చేసిందంటూ బీఆర్ఎస్ నిరసన చేపట్టగా మల్లారెడ్డితో పాటు పలువురు కీలక నేతలు పాల్గొనలేదు. అప్పటి నుంచి బీఆర్ఎస్‌ను వీడనున్నారనే ప్రచారం జోరందుకుంది. ఈ పరిణామాల మధ్య మాజీ మంత్రి మల్లారెడ్డి కర్ణాటక రాష్ట్రానికి చెందిన తన చిన్న కోడలు డాక్టర్ ప్రీతిరెడ్డి ద్వారా డీకే శివకుమార్‌తో సంప్రదింపులు జరిపి కలిసినట్లు తెలుస్తోంది. ఇక త్వరలోనే మల్లారెడ్డి కాంగ్రెస్‌లో చేరికపై ఓ స్పష్టత వచ్చే అవకాశాలు కనిపిస్తున్నాయి.