Politics

రాష్ట్రంలో బీఆర్ఎస్ అధికారంలో ఉన్నప్పుడు.. కొందరు మంత్రులపై భూ కబ్జా ఆరోపణలు తీవ్రంగా వచ్చాయి.. కానీ వాటి విషయంలో చర్యలు లేవనే ఆరోపణలున్నాయి.. రాష్ట్ర వ్యాప్తంగా ఉన్న గులాబీ నేతలో కొందరి పేర్లు అయితే తెరమీదికి రావడమే కాదు.. భూ కబ్జా కేసులు సైతం నమోదైన సంగతి తెలిసిందే..

నిన్నటికి నిన్న బంజారా హిల్స్ (Banjara Hills)లో, ఓ స్థలానికి సంబంధించిన వ్యవహారంలో.. బీఆర్ఎస్ (BRS) పార్టీకి చెందిన పాలేరు మాజీ ఎమ్మెల్యే, కందాల ఉపేందర్‌రెడ్డి (Kandala Upender Reddy)పై భూకబ్జా కేసు నమోదైంది. ఈ వ్యవహారంలో షేక్‌పేట్ తహసీల్దార్ అనితారెడ్డి ఇచ్చిన ఫిర్యాదు మేరకు కేసు నమోదు చేశారు పోలీసులు.. ఈ ఘటన మరవక ముందే.. మరో బీఆర్ఎస్ ఎమ్మెల్యేపై భూ కబ్జా ఆరోపణలు తీవ్ర కలకలం రేపాయి.

ఎమ్మెల్యే దానం నాగేందర్ (Danam Nagender) భూమి కబ్జా చేశారని ఆరోపిస్తూ.. సోమాజిగూడ (Somajiguda).. ప్రజా భవన్ వద్ద ఆందోళనకు దిగారు.. నేడు జరుగుతున్న ప్రజావాణి కార్యక్రమంలో బేగంపేట, ప్రకాష్ నగర్ ఎక్స్‌టెన్షన్ బస్తీ ప్రాంతానికి చెందిన బాధితులు.. ఫ్లెక్సీలు, ప్లకార్డ్స్ పట్టుకొని ఆందోళన చేశారు. వైయస్ రాజశేఖర్ రెడ్డి హయాంలో నోటరీ భూములను కొనుక్కోని 20 ఏళ్ల నుంచి నివాసం ఉంటున్నట్టు తెలిపారు.

ఈక్రమంలో తమ భూమిని ఎమ్మెల్యే దానం నాగేందర్ తన అనుచరులతో భయభ్రాంతులకు గురిచేసి భూమిని కబ్జా చేయాలని చూశాడని బాధితులు ఆరోపించారు. ఈ విషయంలో అధికారులు, పోలీస్ స్టేషన్ల చుట్టూ ఎన్నిసార్లు తిరిగిన న్యాయం జరగలేదని వాపోయారు. కనీసం కాంగ్రెస్ ప్రభుత్వంలో అయినా తమకు న్యాయం జరుగుతుందని ప్రజావాణిలో బాధితులు ఫిర్యాదు చేయడానికి వచ్చినట్టు వెల్లడించారు..

గత బీఆర్ఎస్ (BRS) ప్రభుత్వం పై మంత్రి పొంగులేటి శ్రీనివాసరెడ్డి (Ponguleti Srinivasa Reddy) మండిపడ్డారు. పేదల సమస్యలను విస్మరించిన కేసీఆర్ (KCR).. ప్రజా సంక్షేమం మరచి రాష్ట్రాన్ని కోలుకోలేని విధంగా నష్టం చేశారని ఆరోపించారు. వారి ఆస్తులని పెంచుకోవాలనే శ్రద్ధ తప్పితే.. రాష్ట్రం ఆర్థికంగా నష్టపోతుందన్న సోయి లేకుండా వ్యవహరించారని విమర్శించారు..

ఖమ్మం (Khammam)లో నిర్వహించిన ప్రజాపాలన కార్యక్రమంలో పాల్గొన్న శ్రీనివాసరెడ్డి.. తమ ప్రభుత్వం ఆరు గ్యారంటీల అమలు దిశగా నిబద్ధతో పని చేస్తుందని హామీ ఇచ్చారు.. గత ప్రభుత్వం మాటలు చెబితే.. ప్రస్తుత ప్రభుత్వం చేతల్లో చూపిస్తుందని అన్నారు. రాష్ట్రంలో కాంగ్రెస్ ప్రభుత్వం ఏర్పడ్డాక తొలి కేబినెట్‌లోనే ఆరు గ్యారంటీలను ఆమోదించామని మంత్రి అన్నారు.

తమ ప్రభుత్వం చిత్తశుద్ధి వాటి ఆమోదంలో కనిపిస్తోందని తెలిపారు. రాష్ట్రంలో కాంగ్రెస్ అధికారంలోకి వచ్చాక.. వెంటనే మహిళలకు ఆర్టీసీ బస్సులో ఉచిత ప్రయాణం కల్పించామని, ఆరోగ్యశ్రీ పరిధిని రూ.10 లక్షలకు పెంచామని మంత్రి తెలిపారు. తమది మాటల ప్రభుత్వం కాదన్న శ్రీనివాసరెడ్డి.. చేతల ప్రభుత్వమని వెల్లడించారు. రాష్ట్రం ఏర్పడినప్పుడు అప్పులు లేవని.. కానీ బీఆర్ఎస్ అధికారంలోకి వచ్చాక రూ.6.71 లక్షల కోట్ల అప్పులు చేసిందని మంత్రి మండిపడ్డారు..

మాజీ సీఎం ఎన్నో అప్పులు చేసి ప్రజాధనంతో గొప్ప భవనం కట్టుకున్నారని దుయ్యబట్టారు. వైఎస్ కట్టిన భవనం కేసీఆర్‌కు నచ్చలేదని మంత్రి విరుచుకుపడ్డారు. సచివాలయం బాగానే ఉన్నా పడగొట్టి కొత్తది కట్టిన కేసీఆర్.. అన్నిచోట్ల తన మార్కు ఉండాలనుకున్నారు. కానీ పేదల ఆశలు, ఆకాంక్షలు నెరవేరాక ఏం చేసినా తప్పులేదు. ఆయన తొందర పాటు నిర్ణయాల వల్ల.. పేదవారిని మరింత పేదరికలోకి నెట్టి తాను, తన కుటుంబం మాత్రం కుబేరులైనారని పొంగులేటి విమర్శించారు..

రాష్ట్రంలో కాంగ్రెస్ (Congress) అధికారంలోకి వచ్చినప్పటి నుంచి బీఆర్ఎస్ (BRS) నేతలు పలు విమర్శలు చేస్తున్నట్టు ఆరోపణలు వస్తున్న విషయం తెలిసిందే. అయితే ఈ విమర్శలపై కాంగ్రెస్ నేతలు ఎప్పటికప్పుడు సమాధానాలు ఇస్తున్నారు.. ఇక హరీష్ రావు (Harish Rao) పథకాల అమలుపై పలు సార్లు ప్రశ్నించడంతో పాటు ఘాటుగా విమర్శలు చేస్తుండగా.. వీటిపై మాజీ రాజ్యసభ సభ్యుడు వి.హనుమంతరావు మండిపడ్డారు.

ఇంతలా తొందరపడే హరీష్ రావు.. బీఆర్ఎస్ అధికారంలో ఉన్నప్పుడు దళితులకి మూడు ఎకరాల భూమి.. డబుల్ బెడ్ రూమ్ ఇస్తాం అని మాటిచ్చి ఎందుకు తప్పారని ప్రశ్నించారు.. పదేళ్లు అధికారంలో ఉండి రాష్ట్ర ప్రజలకి ఏం చేశావని మండిపడ్డారు.. మీరు ఇచ్చిన ఎన్ని హామీలు అమలు చేశారో బహిరంగంగా వెల్లడించాలని హనుమంతరావు (Hanumantha Rao) డిమాండ్ చేశారు..

కాంగ్రెస్ అధికారంలోకి వచ్చి నెల రోజులు కాలేదని.. ప్రభుత్వ పాలన విధానాలు తెలిసి దిగజారి మాట్లాడటం తగదని హనుమంతరావు సూచించారు.. మేము ఇచ్చిన మాట ప్రకారం పథకాలు అమలు చేస్తామని, తొందర పడకండని అన్నారు. ఆరు గ్యారంటీలు అమలుకు సీఎం కృషి చేస్తున్నారని తెలిపారు. మరోవైపు ఆరు గ్యారెంటీ లు.. బీఆర్ఎస్ ఫెయిల్యూర్ ని జనంలోకి తీసుకెళ్లడంలో రేవంత్ సక్సెస్ అయ్యారని హనుమంతరావు అన్నారు..

హైదరాబాద్ (Hyderabad).. బంజారా హిల్స్ (Banjara Hills)లో, ఓ స్థలానికి సంబంధించిన వ్యవహారంలో.. బీఆర్ఎస్ (BRS) పార్టీకి చెందిన పాలేరు మాజీ ఎమ్మెల్యే, కందాల ఉపేందర్‌రెడ్డి (Kandala Upender Reddy)పై భూకబ్జా కేసు నమోదైంది. ఈ వ్యవహారంలో షేక్‌పేట్ తహసీల్దార్ అనితారెడ్డి ఇచ్చిన ఫిర్యాదు మేరకు పోలీసులు కేసు నమోదు చేశారు.. బంజారాహిల్స్ రోడ్ నం.3లో ప్లాట్ నంబరు 8-c పేరుతో ఉన్న 2285 చదరపు మీటర్ల ప్రభుత్వ భూమి కబ్జా చేసినట్టు ఆరోపణలున్నాయి..

ఉపేందర్‌రెడ్డి తో పాటు మరికొందరు దీప్తి అవెన్యూ ప్రైవేట్ లిమిటెడ్ సంస్థకు చెందిన భూమి కబ్జా చేసి నిర్మాణాలు చేపట్టారు. గతంలో ఫ్లాట్ నం.8-డీలో షౌకతున్నీసా పేరుతో ఉన్న స్థలాన్ని కొనుగోలు చేసిన ఉపేందర్రెడ్డి ‘8-Cలో స్థలాన్ని తమదిగా చెబుతున్నారు. ఈ సర్వే నంబరులో మొత్తం 2.25 ఎకరాలు ఉండగా అందులో అత్యధిక భాగం షౌకత్ నగర్ బస్తీగా ఏర్పడగా.. 2185 చదరపు మీటర్ల ప్రభుత్వ స్థలం ఖాళీగా ఉంది.

మరోవైపు ఈ స్థలంలో అవెన్యూ సంస్థ గతంలోనూ నిర్మాణాలు చేపట్టేందుకు ప్రయత్నించగా, అప్పటి తహసీల్దార్ స్థలాన్ని ప్రభుత్వ ఆధీనంలోకి తీసుకొని ల్యాండ్ బ్యాంక్ లో ఉంచారు. దీనిపై సంస్థ ప్రతినిధులు కోర్టును ఆశ్రయించారు.. విధుల్లో భాగంగా తహసీల్దార్ స్థలాన్ని పరిశీలించడానికి వెళ్లారు.. అక్కడ ప్రభుత్వ భూమి బోర్డు తొలగించి, షెడ్లు నిర్మించి, వైన్స్ షాప్ నిర్వహిస్తున్నట్లు గుర్తించారు.

వెంటనే బంజారాహిల్స్ పోలీసుల సహకారంతో తహసీల్దార్ లోపాటు సిబ్బంది అక్కడికి చేరుకొని అక్రమ నిర్మాణాలన్నింటినీ సీజ్ చేశారు. తహసీల్దార్ ఇచ్చిన ఫిర్యాదుతో, ఉపేందర్ రెడ్డి తో పాటు ఉన్న ఇతరులపై సెక్షన్లు 447, 427, 467, 468, 471, సెక్షన్ 3 ఆఫ్ పీడీపీపీ చట్టం కింద కేసు నమోదు చేసి దర్యాప్తు చేస్తున్నారు..

నగరంలో నూతన సంవత్సర వేడుకలు అంబరాన్నంటాయి. హోటళ్లు, పబ్‌లు, రిసార్ట్స్‌ ల్లో యువత ఆనందం రెట్టింపు అయ్యేలా ఏర్పాటు చేశారు నిర్వాహకులు.. మరోవైపు నగర ప్రజలు అర్ధరాత్రి దాటే వరకు రోడ్లపై తిరుగుతూ, బాణాసంచా కాల్చి కొత్త సంవత్సరానికి స్వాగతం పలికారు. కానీ చట్టం మాత్రం తనపని తాను చేసుకొంది.

ఈ క్రమంలో పోలీసులు ముమ్మరంగా డ్రంక్ అండ్ డ్రైవ్ (Drunk And Drive) తనిఖీలు నిర్వహించి మాదక ద్రవ్యాలు సేవించిన వారిని పట్టుకొన్నారు. హైదరాబాద్ (Hyderabad) కమిషనరేట్ల పరిధిలో 2700కు పైగా డ్రంక్ అండ్ డ్రైవ్ కేసులు నమోదయ్యాయి. అందులో హైదరాబాద్‌లో 1500 కేసులు, సైబరాబాద్‌ (Cyberabad)లో 1241 కేసులు, రాచకొండ (Rachakonda)లో 517 కేసులు నమోదయ్యాయి. మొత్తం మూడు కమిషనరేట్ల పరిధిలో 3500లకు పైగా డ్రంక్ అండ్ డ్రైవ్ కేసులు నమోదైనట్టు అధికారులు తెలిపారు..

కాగా సైబరాబాద్ పరిధిలో మద్యం తాగి వాహనాలు నడుపుతున్న 1239 మందిపై పోలీసులు కేసులు నమోదు చేశారు. ఈ కేసుల్లో 938 బైక్‌లు, 21 ఆటోలు, 275 కార్లు, 7 భారీ వాహనాలను సీజ్ చేశారు. PV ఎక్స్‌ప్రెస్‌వేలో ఫ్లైట్ టికెట్ ఉన్నవారిని మాత్రమే అనుమతించారు.. ఆదివారం రాత్రి 8 గంటలకు వరకు నగరంలోని ఫ్లై ఓవర్లు, ఓఆర్‌ఆర్‌లను మూసివేశారు.