Telangana

హైదరాబాద్ (Hyderabad) లో హిందువు(Hindu)లపై ఇటీవల దాడులు ఎక్కువయ్యాయి. కావాలని రెచ్చగొట్టడం, దాడి చేయడం తరచూ జరుగుతున్నాయి. తాజాగా కూకట్ పల్లి నియోజకవర్గంలో ముస్లిం యువకులు రెచ్చిపోయారు. దీనికి సంబంధించిన వివరాలను, దాడి వీడియోలను హైదరాబాద్ సెంట్రల్ బీజేపీ లీగల్ సెల్ జాయింట్ కన్వీనర్ నీలం భార్గవ రామ్ ఎక్స్ (ట్విట్టర్)లో పోస్ట్ చేశారు.

ట్వీట్‌ లో ఆయన వెల్లడించిన వివరాల ప్రకారం… కూకట్ పల్లి నియోజకవర్గంలోని అల్లాపూర్ డివిజన్‌‌ లో గొడవ జరిగింది. పతంగుల దుకాణం వద్ద హిందూ దళిత విద్యార్థులతో ముస్లిం యువకులు గొడవ పడ్డారు. అనంతరం దళిత యువకులు తమ ఇండ్లకు వెళ్లిపోయారు. అయితే.. వారిని ముస్లిం యువకులు బైక్ పై ఫాలో అయ్యారు. దళిత యువకుల ఇండ్లను గుర్తించి అక్కడి నుంచి వెళ్లిపోయారు.

కాసేపటి తర్వాత మూడు బైక్ లపై వచ్చిన ముస్లిం యువకులు.. దళిత యువకులపై దాడి చేశారు. ఈ క్రమంలో చుట్టుపక్కల వాళ్లు దాడి చేస్తున్న వారిని అడ్డుకునే ప్రయత్నం చేశారు. స్థానికులు తిరగబడటంతో అక్కడి నుంచి వెళ్లిన ముస్లిం యువకులు తర్వాత మరికొంత మందిని తీసుకుని అక్కడికి వచ్చారు.

మహిళలు, పిల్లలు, పెద్దలు అని చూడకుండా ఇనుప రాడ్లతో ముస్లిం యువకులు దాడులు చేశారు. అంతటితో ఆగకుండా రాళ్లతో ఇండ్లపై దాడులు చేశారు. క్షతగాత్రులను ఆస్పత్రికి తరలించారు. ఈ ఘటనపై స్పందించి నిందితులపై చర్యలు తీసుకోవాలని ప్రధాని మోడీ, హోంమంత్రి అమిత్ షా లను కోరారు భార్గవ్ రామ్.

మరోవైపు, బీజేపీ మూసాపేట కార్పొరేటర్ మహేందర్, ఎన్ రతన్ కుమార్ సనత్ నగర్ పోలీస్ స్టేషన్ కు వెళ్లారు. పోలీసులు కేసు నమోదు చేసి దర్యాప్తు చేస్తున్నారు.

సంక్రాంతి పండుగ వేళ తెలంగాణ ఆర్టీసీ(TS RTC)  సరికొత్త రికార్డును నెలకొల్పింది. మహాలక్ష్మి పథకంలో భాగంగా తెలంగాణ మహిళలకు ఉచిత బస్సు ప్రయాణం, ప్రత్యేక బస్సులను ఏర్పాటు చేయడం ద్వారా ఈసారి ఆర్టీసీకి భారీ స్పందన లభించింది. ఈ విషయాన్ని వైద్య ఆర్టీసీ ఎండీ సజ్జనార్(RTC MD Sajjanar) తన ఎక్స్‌(x) ఖాతాలో తెలిపారు.

గతంలో ఎన్నడూ లేని విధంగా రికార్డుస్థాయిలో నిన్న(ఆదివారం) ఒక్క రోజే 1861 ప్రత్యేక బస్సులను వివిధ ప్రాంతాలకు సంస్థ నడిపింది. అందులో 1127 హైదరాబాద్ సిటీ బస్సులను ప్రయాణికుల రద్దీ ఎక్కువగా ఉన్న కరీంనగర్, వరంగల్, విజయవాడ, ఖమ్మం, తదితర రూట్లలో నడిపారు. సంక్రాంతి సందర్భంగా రద్దీ ఎక్కవగా ఉండడంతో 4484 ప్రత్యేక బస్సులను ఏర్పాటు చేయాలని సంస్థ ప్రణాళిక రూపొందించారు.

అయితే, ఈ నెల 11, 12, 13 తేదీల్లోనే 4400 ప్రత్యేక బస్సులను నడిపారు. శనివారం వరకు మొత్తంగా 6261 ప్రత్యేక బస్సులను నడిపారు. ఆదివారం కూడా 652 ప్రత్యేక బస్సులను నడిపాల్సి ఉండగా మధ్యాహ్నం వరకు 450 బస్సులను సంస్థ తిప్పింది. శనివారం ఒక్క రోజులోనే 52.78 లక్షల మందిని సురక్షితంగా గమ్యస్థానాలకు సిబ్బంది చేర్చారు. అందులో సగానికిపైగా మహిళా ప్రయాణికులే ఉన్నారు.

మహాలక్ష్మి పథకాన్ని వినియోగించుకుని మహిళలు ఉచితంగా సొంతూళ్లకు వెళ్లారు. ముందస్తు ప్రణాళికతో పాటు సిబ్బంది సమన్వయంతో పనిచేయడం వల్ల ఎలాంటి ఘటనలు జరగకుండా ప్రయాణికులను సొంతూళ్లకు సంస్థ చేర్చింది. తొలిసారిగా బస్ భవన్‌లో కమాండ్ కంట్రోల్ సెంటర్‌ను ఏర్పాటు చేసి రద్దీకి అనుగుణంగా ప్రత్యేక బస్సులను ప్రయాణికులు అందుబాటులో ఉంచామని, టీఎస్ఆర్టీసీ సిబ్బంది, అధికారులకు ఆర్టీసీ ఎండీ సజ్జనార్ ప్రత్యేక కృతజ్ఞతలు తెలిపారు.