బాలీవుడ్‌ బ్యూటీ శిల్పాశెట్టి (Shilpa Shetty) భర్త రాజ్‌ కుంద్రా (Raj Kundra) ట్విట్టర్‌లో పెట్టిన ఓ పోస్ట్ నెట్టింట చర్చనీయాంశమైంది. ‘మేం విడిపోతున్నాం. ఈ కష్టమైన తరుణంలో మాకు అండగా ఉండండి’ అంటూ హార్ట్ బ్రేకింగ్‌ ఎమోజీని షేర్‌ చేశారు రాజ్‌ కుంద్రా. ఆ పోస్ట్‌తో నెటిజన్లు షాక్‌ అయ్యారు.
రెండ్రోజుల క్రితమే భార్య గురించి గొప్పగా చెప్పుకొచ్చి ఇప్పుడు ఈ ట్విస్ట్‌ ఏంటి? అని నెటిజన్లు మండిపడుతున్నారు. రాజ్‌కుంద్రా తాజాగా ‘యుటి 69’ అనే చిత్రంతో నటుడిగా పరిచయమవుతున్నారు. ఆయన జీవితంలో జరిగిన కొన్ని సంఘటనల ఆధారంగా ఈ చిత్రం రూపొందుతున్నట్లు తెలిపారు. ఈ విషయాన్నే తన భార్య శిల్పశెట్టితో చెప్పగా ఆమె తన మీదకి చెప్పు విసిరిందట.
కొద్ది రోజులకు దర్శకుడు కథ చెప్పడంతో కన్విన్స్ అయ్యి శిల్పా అంగీకరించిందట. ఇదంతా ఇటీవల ముంబైలో జరిగిన ‘యుటి 69’ స్నీక్‌పీక్‌ లాంచ్‌లో చెప్పారు. ఇప్పుడు ఆయన చేసిన ట్వీట్‌ చూసి ఇంతలోనే ఇద్దరి మధ్య ఏం జరిగిందని నెటిజన్లు ప్రశ్నిస్తున్నారు. అయితే రాజ్‌కుంద్రా ట్వీట్‌లో పేరేమీ ప్రస్తావించలేదు. దాంతో నెటిజన్లకు మరో అనుమానం వచ్చింది.
ఆ పోస్ట్ విడాకులకు సంబంధించినదే అని కొందరు అభిప్రాయపడుతుంటే.. మరికొందరు విడాకుల గురించి కాదని పోస్టులు చేస్తున్నారు. కొన్ని నెలలుగా రాజ్‌కుంద్రా ఫేస్‌కి హెల్మెట్‌ లాంటి మాస్క్‌ ధరించే బయటకు వెళ్తున్నారు. ఇన్నాళ్లు తనతో ఉంటోన్న మాస్క్‌ గురించి ఇలా ట్వీట్‌ చేసి ఉండొచ్చని కొందరు అభిప్రాయపడుతున్నారు. రెండేళ్ల క్రితం బ్లూ ఫిల్మ్స్‌ కేసులో కుంద్రా అరెస్ట్‌ అయ్యి ఆరు నెలలు జైల్లో ఉన్న సంగతి తెలిసిందే.
Farewell Masks …it’s time to separate now! Thank you for keeping me protected over the last two years. Onto the next phase of my journey #UT69 🙏🎭🥹 🧿😇❤️ pic.twitter.com/svhiGS8aHt
— Raj Kundra (@onlyrajkundra) October 20, 2023
