Breaking News

అమెరికా (America)లో ప్రాణాంతక ప్లేగు (Plague) వ్యాధి (Disease) మరోసారి కలకలం రేపుతోంది. దాదాపు పదేళ్ల తర్వాత ఈ వ్యాధి మళ్లీ విజృంభించడం ఆందోళన కలిగిస్తోంది. తాజాగా, సెంట్రల్ ఒరెగాన్‌ (Oregon) స్టేట్‌లో తొలి ప్లేగు పాజిటివ్‌ కేసు నమోదు అయ్యింది. ఈ వ్యాధి తన పెంపుడు పిల్లి నుంచి ఆ వ్యక్తికి సోకినట్లు యూఎస్ సెంటర్ ఫర్ డిసీజ్ కంట్రోల్ అండ్ ప్రీవెంట్ తెలియచేసింది. దీనిని బ్యుబోనిక్ ప్లేగు (Bubonic Plague)గా గుర్తించినట్లు అధికారులు వెల్లడించారు.

అయితే వ్యాధికి గురైన వ్యక్తిని అబ్జర్వేషన్‌లో ఉంచి చికిత్స అందిస్తున్నట్లు వారు వెల్లడించారు. తీవ్ర జ్వరం, కళ్లు ఎర్రబడటం వంటి సమస్యలతో అతడు బాధపడుతోన్నట్లు పేర్కొన్నారు. మరోవైపు పడిసంవత్సరాల తర్వాత ప్లేగు వ్యాధి కేసులు మళ్లీ నమోదు అవుతుండటంతో అధికారులు అప్రమత్తమయ్యారు. వ్యాధి నివారణకు సంబంధించిన చర్యలను వేగవంతంగా అమలుచేస్తున్నారు.

ఇక్కడి ప్రజలు ప్రాణాంతక ప్లేగు వ్యాధి పదేళ్ల తర్వాత మరోసారి విజృంభిస్తుండటంతో భయాందోళనలకు గురి అవుతున్నారు. ఇదిలా ఉండగా గతంలో అగ్రరాజ్యం అమెరికాను గడగడలాడించిన ప్లేగు వ్యాధి కేసులు చివరగా 2014 సంవత్సరం వరకు నమోదు అయ్యాయి. అమెరికాలోని న్యూ మెక్సికో, సదరన్ కొలరాడో, నార్తర్న్ అరిజోనా, కాలిఫోర్నియా, సదరన్ ఒరెగాన్, నెవడా రాష్ట్రాల్లో ఈ వ్యాధి విజృంభణ తీవ్రంగా ఉండేది.

ఈ నేపథ్యంలో అప్రమత్తమైన అధికారులు వ్యాధి నివారణకు వ్యాక్సిన్‌తో పాటు తగు జాగ్రత్తలు తీసుకొన్నారు. దీంతో అమెరికాలో ప్లేగు వైరస్ వ్యాప్తి నెమ్మదించింది. అప్పటి నుంచి ప్లేగు పాజిటివ్ కేసులు అమెరికాలో నమోదు కాలేదు. దీంతో ప్రజలంతా ఊపిరి పీల్చుకొన్నారు.. కానీ దాదాపు పదేళ్ల తర్వాత తాజాగా మరోసారి ప్లేగు పాజిటివ్ కేసు నమోదు కావడం కలవరపాటుకు గురి చేస్తోంది. ఇది అదుపులోకి వస్తే ఫర్వాలేదు. లేదంటే మరోసారి ఇక్కడి ప్రజలు తీవ్రమైన ఇబ్బందులు ఎదుర్కోవలసి వస్తుందని అంటున్నారు..

లోక్‌సభలో కాంగ్రెస్ (Congress) పార్టీపై, కేంద్ర ఆర్థిక మంత్రి నిర్మలా సీతారామన్ (Nirmala Sitharaman) విరుచుకుపడ్డారు.. యూపీఏ (UPA) హయాంలో జవాబుదారీతనం లేదని, ప్రజల సమస్యలు పట్టించుకొనే నేతా ఉండేవారు కాదని విమర్శించారు. ప్రస్తుత దేశ ఆర్థిక పరిస్థితిని యూపీఏ హయాంతో పోల్చుతూ విడుదల చేసిన శ్వేతపత్రంపై కీలక వ్యాఖ్యలు చేశారు.

కాంగ్రెస్ అధికారంలో ఉన్నప్పుడు ప్రధానిగా ఎవరున్నా.. అసలు సూత్రధారి ఏఐసీసీ మాజీ అధ్యక్షురాలు సోనియా గాంధీ (Sonia Gandhi) అని అన్నారు.. ఆమె వెనక ఉండి చక్రం తిప్పేవారని ఎద్దేవా చేశారు. సోనియా అనాలోచిత నిర్ణయాలతోనే ఆర్థిక వ్యవస్థ దివాళా తీసే స్థాయికి వెళ్లిందని నిర్మలా సీతారామన్ విమర్శించారు. 10 ఏళ్ల యూపీఏ పాలనలో అవినీతి, ఆర్థిక వ్యవస్థ దుర్వినియోగానికి ప్రభుత్వ నాయకత్వమే ప్రధాన కారణమని.. యూపీఏ ప్రభుత్వానికి దిశానిర్దేశం లేకపోవడం, నాయకత్వం లేకపోవడమే ప్రధాన సమస్య అని పేర్కొన్నారు.

కాంగ్రెస్ హయాంలో అడ్డదారిలో రాజ్యాంగ వ్యతిరేక శక్తులకు, ప్రభుత్వానికి సంబంధించిన ఫైళ్లను అప్పగించారని ఆరోపించారు. శ్వేతపత్రంలో ఉన్న ప్రతి అంశం నిజమైనదేనని, సాక్ష్యాధారాలతో సహా వాటిని నిరూపిస్తామని నిర్మలా సీతారామన్ తెలిపారు. కాగా మన్మోహన్ సింగ్ ప్రధానిగా ఉన్న సమయంలో రాహుల్ గాంధీ విలేకరుల సమావేశంలో ఆర్డినెన్స్‌ను చించివేశారని, ఈ చర్య దేశ ప్రధానిని అవమానించడం కాదా? అని ప్రశ్నించారు.

యూపీఏ ప్రభుత్వ హయాంలో రక్షణ రంగ నిర్వహణ కూడా సరిగ్గా జరగలేదని సీతారామన్ అన్నారు. రూ. 3,600 కోట్ల విలువైన అగస్టా వెస్ట్‌ల్యాండ్ కుంభకోణం ప్రధానమైనదని పేర్కొన్నారు. నాటి ప్రభుత్వ హయాంలో మందుగుండు సామగ్రి, రక్షణ పరికరాల కొరత ఉండేదని, సైనికులకు కనీసం బుల్లెట్ ప్రూఫ్ జాకెట్లు కూడా అందుబాటులో లేవని అన్నారు. తమ ప్రభుత్వం వచ్చాక దేశ రక్షణకు బడ్జెట్‌లో నిధులను గణనీయంగా పెంచామని తెలిపారు.

సమాజంలో ఎన్నో మార్పులు జరుగుతున్న విషయం తెలిసిందే.. కొంత కాలం వరకు ట్రాన్స్‌జెండర్ (Trangender) అంటే చిన్న చూపు ఉండేది. కానీ వారు కూడా క్రమక్రమంగా ఉన్నత శిఖరాలకు చేరుతున్న ఘటనలు వెలుగులోకి వస్తున్నాయి. ఈ క్రమంలో దక్షిణ భారతదేశంలో తొలిసారి రైల్వే టిక్కెట్‌ ఇన్‌స్పెక్టర్‌గా (First Railway Ticket Inspector) తమిళనాడు (Tamilnadu)కు చెందిన సింధు అనే ట్రాన్స్‌జెండర్ నియమితులయ్యారు.

నాగర్‌కోవిల్‌కు చెందిన సింధు తమిళ సాహిత్యంలో బి.లిటరేచర్‌ చేశారు. ఇది తన జీవితంలో మరచిపోలేని జ్ఞాపకమని సింధు అన్నారు. హిజ్రా కావడంతో ఏమీ చేయలేమన్న నిరుత్సాహం నుంచి ఈ స్థాయికి చేరుకొన్నందుకు చాలా గర్వంగా ఉందన్నారు. హిజ్రాలు తమ సమస్యలతో కుంగిపోకుండా.. విద్య, శ్రమతో ఉన్నత స్థాయికి చేరుకోవాలని సూచించారు.

మరోవైపు 19 ఏళ్ల క్రితం కేరళ రాష్ట్రం ఎర్నాకులం రైల్వేలో చేరిన ట్రాన్స్‌జెండర్ సింధు.. బదిలీపై తమిళనాడు, దిండిగల్‌కు వచ్చారు. గత 14 ఏళ్లుగా అక్కడే పనిచేస్తున్నారు. అయితే ప్రమాదంలో గాయపడిన సింధును రైల్వే వాణిజ్య విభాగానికి బదిలీ చేశారు. అక్కడ విధులు నిర్వర్తిస్తూ టిక్కెట్‌ ఇన్‌స్పెక్టర్‌గా శిక్షణ పూర్తి చేశారు. ఈ నేపథ్యంలో దిండుక్కల్‌ రైల్వే డివిజన్‌లో టిక్కెట్‌ ఇన్‌స్పెక్టర్‌గా నియమితులయ్యారు.

ఇక ప్రస్తుతం ట్రాన్స్‌జెండర్లు పోటీ ప్రపంచంలో తమ సత్తా చాటుతున్నారు. హిజ్రాలుగా పేరుగాంచిన వారు కుంగిపోకుండా.. ఏకాగ్రతతో ఉన్నత విద్య అభ్యసించి.. కష్టపడటం ద్వారా.. గొప్ప స్థాయికి చేరుకోవడం ద్వారా.. సమాజంలో గౌరవప్రదమైన స్థానాలను పొందేందుకు అర్హులవుతారని నిరూపిస్తున్నారు. తాము ఎందులో తక్కువ కాదని చాటుతున్నారు..