Technology

ప్రపంచ వ్యాప్తంగా సాంకేతికత కొత్తపుంతలు తొక్కుతోంది. ఇటీవల ఆర్టిఫిషియల్ ఇంటెలిజెన్స్ (AI) వినియోగం వేగంగా పెరుగుతోంది. అయితే, ఏఐ వల్ల ఎన్ని ఉపయోగాలు ఉన్నాయో అంతకంటే ఎక్కువ నష్టమూ ఉన్నది. ఇప్పటికే పలువురు సెలిబ్రెటీలకు సంబంధించిన డీప్ ఫేక్(Deep Fake) వీడియోలు వైరల్ కావడం కలకలం రేపింది.

ఈ తరుణంలో ప్రభుత్వం సాంకేతికత నియంత్రణపై దృష్టిపెట్టినట్లు తెలుస్తోంది. ఈ మేరకు కేంద్ర ఐటీ శాఖ మంత్రి అశ్వినీ వైష్ణవ్ (Ashwini Vaishnaw) ఓ ఇంటర్వ్యూలో కీలక ప్రకటన చేశారు. సార్వత్రిక ఎన్నికలు ముగిసిన వెంటనే ఆర్టిఫిషియల్ ఇంటెలిజెన్స్(AI) నియంత్రణకు చట్టం తీసుకొస్తామని వెల్లడించారు.

ఏఐ నియంత్రణ అనేది చట్టబద్ధంగానే జరగాలని తాము భావిస్తున్నట్లు తెలిపారు. ఇప్పటికే టెక్ కంపెనీలతో మాట్లాడామని, ఎన్నికల తర్వాత మరో దఫా చర్చిస్తామన్నారు. డీప్ ఫేక్‌ను కట్టడి చేసేలా, సరికొత్త ఆవిష్కరణలకు ఎలాంటి విఘాతం కలగకుండా చట్టాన్ని రూపొందిస్తామన్నారు. ఏఐ కోసం స్వీయ నియంత్రణ అనేది ఏమాత్రం సరిపోదని ఆయన అభిప్రాయపడ్డారు.

ఇది చట్టబద్ధంగానే జరగాలని తాము భావిస్తున్నట్లు చెప్పారు. ఎన్నికలు ముగిశాక ఈ ప్రక్రియను ప్రారంభిస్తాభిస్తామన్నారు. ఇప్పటికే పరిశ్రమ వర్గాలతో చర్చించామని, ఎన్నికల తర్వాత మరోసారి చర్చించి చట్టం తీసుకొస్తామని వైష్ణవ్ తెలిపారు. సృజనాత్మకతకు, ఆవిష్కరణలకు విఘాతం కలగకుండా ఈ చట్టాన్ని తీసుకొస్తామన్నారు.

75 ఏళ్లలో భారత్ అన్ని రంగాల్లో ఎంతో అభివృద్ధి సాధించింది. అంతరిక్షం అయినా లేదా సాంకేతిక రంగం అయినా.. భారత్(Bharat) ప్రతీ రంగంలో ముందంజలోనే ఉంది. ఇప్పటికే అభివృద్ధి చెందిన దేశాలతో భారత్ పోటీపడుతున్న విషయం తెలిసిందే. ఉపగ్రహాలను అంతరిక్షంలోకి పంపడం నుంచి చంద్రయాన్ వరకు ఎన్నో మైలు రాళ్లను అధిగమించింది ఇస్రో(ISRO).

క్రమంలో భారత్ అంతరిక్షంలో తొలి స్పేస్ స్టేషన్‌ను ఏర్పాటు చేసుకోనుంది. దీనికి సంబంధించి ఇస్రో చీఫ్ ఎస్ సోమనాథ్(ISRO chief S Somnath) కీలక విషయాన్ని వెల్లడించారు. రానున్న కొన్నేళ్లలో అంతరిక్షంలో భారత స్పేస్ స్టేషన్ అందుబాటులోకి వస్తుందని చెప్పారు. రాబోయే రోజుల్లో స్టేషన్‌లోని మొదటి మాడ్యూల్స్‌ను ప్రయోగించే అవకాశం ఉందన్నారు.

స్పేస్ స్టేషన్ సంబంధించి ఊహాచిత్రాన్ని విడుదల చేశారు. 2035నాటికి భారత్‌కు చెందిన తొలి స్పేస్ స్టేషన్ అందుబాటులోకి రావాలని ప్రధాని మోడీ లక్ష్యాన్ని నిర్దేశించినట్లు సోమనాథ్ తెలిపారు. ఈ స్పేస్ స్టేషన్ అంతరిక్షంలో 2-4 వ్యోమగాములకు వసతి కల్పిస్తుందన్నారు. ఇప్పటివరకు రష్యా, అమెరికా, చైనాలు మాత్రమే అంతరిక్ష కేంద్రాలను కక్ష్యలోకి పంపినట్లు తెలిపారు.

స్పేస్‌లో స్వతంత్ర అంతరిక్ష కేంద్రాన్ని కలిగి ఉన్న నాలుగో దేశంగా భారత్ అవతరించే అవకాశం ఉందని చెప్పారు. విక్రమ్ సారాభాయ్ అంతరిక్ష కేంద్రం డైరెక్టర్ డాక్టర్ ఉన్నికృష్ణన్ నాయర్ మాట్లాడుతూ.. స్పేస్ స్టేషన్ నిర్మాణానికి పనులు వేగంగా జరుగుతున్నాయన్నారు. భూమికి 400 కి.మీ.ల దూరంలోని కక్ష్యలో దీన్ని నిలిపేందుకు ప్రయత్నాలు చేస్తున్నామన్నారు.

బరువైన రాకెట్, బాహుబలి లాంచ్ వెహికిల్‌ని ఉపయోగించాలని, దీనికి ప్రణాళిక రూపొందించామని చెప్పారు. దీని బరువు 20 టన్నులు ఉంటుందన్నారు. స్పేస్ విజన్ 2047లో భాగంగా ప్రధాని మోడీ అంతరిక్ష కేంద్రం ఏర్పాటుతో పాటు 2040 నాటికి తొలి భారతీయుడిని చంద్రుడిపైకి పంపాలని శాస్త్రవేత్తలకు లక్ష్యాలను నిర్దేశించారు.

అమెరికా(USA) దాదాపు 50 ఏళ్ల తర్వాత చంద్రుడిపై మరోసారి అంతరిక్ష నౌక జాబిల్లిపైకి విజయవంతంగా పంపింది. ‘ఇంట్యూటివ్ మెషీన్స్‌’(Intuitive Machines)కు చెందిన తొలి లూనార్ ల్యాండర్ ‘ఒడిస్సియస్’(Odysseus) చంద్రునిపై సురక్షితంగా ల్యాండ్ అయ్యింది.

ఫ్లోరిడాలోని నాసా ‘కెన్నెడీ స్పేస్ సెంటర్’ నుంచి గత గురువారం ఈ ప్రయోగాన్ని చేపట్టారు. స్పేస్‌ఎక్స్ ఫాల్కన్ తొమ్మిది రాకెట్‌ ద్వారా అంతరిక్ష నౌకను ప్రయోగించారు. ఐఎం-1 (IM-1) పేరుతో ఈ మిషన్‌ను నిర్వహించారు. అమెరికా కాలమానం ప్రకారం గురువారం సాయంత్రం 6:23 గంటల సమయంలో చంద్రుడి దక్షిణ ధ్రువంపై దిగింది.

చివరి సారిగా అమెరికా 1972 డిసెంబర్‌లో అపోలో మిషన్‌లో భాగంగా ‘అపోలో-17’ అంతరిక్ష నౌకను చంద్రుడి ఉపరితలంపైకి పంపించింది. ప్రైవేటు కంపెనీ అయిన ‘ఇంట్యూటివ్ మెషీన్స్’ చంద్రుడిపైకి పంపించిన మొట్టమొదటి రోబోటిక్ ఫ్లైట్ ఇదే కావడం గమనార్హం.

తాజాగా పంపిన అంతరిక్ష నౌకకు వాతావరణ చర్యలు, రేడియో ఖగోళ శాస్త్రానికి సంబంధించిన పరిశోధనలు చేయడానికి పంపించారు. ల్యాండింగ్ టెక్నాలజీ, కమ్యూనికేషన్, నావిగేషన్‌కు సంబంధించిన సామర్థ్యాలపై కూడా పరిశీలనలు చేయనున్నట్లు నాసా రిపోర్టులు చెబుతున్నాయి. నాసా, ఇతర కమర్షియల్ కంపెనీలకు చెందిన పరికరాలను ఒడిస్సియస్ చంద్రుడిపైకి మోసుకెళ్లింది.

అమెరికా(USA)లో 50 ఏళ్ల తర్వాత తొలిసారి ఓ ప్రైవేట్ సంస్థ చంద్రుడిపైకి ల్యాండర్‌ను పంపేందుకు చేపట్టిన ప్రయోగం సందిగ్ధంలో పడింది. లాంఛింగ్ అయిన కొద్ది గంటలకే స్పేస్‌క్రాఫ్ట్‌లో ఇంధన లీకేజీ లోపం బయటపడింది. పిట్స్‌బర్గ్‌(Pittsburgh)కు చెందిన ఆస్ట్రోబోటిక్ టెక్నాలజీస్(Astrobotic Technology) అనే ప్రైవేటు సంస్థ ఫ్లోరిడాలోని కేప్ కెనవరల్ స్పేస్ స్టేషన్ నుంచి ల్యాండర్‌ను పంపింది.

ఈ నేపథ్యంలో ప్రయోగం చేపట్టిన 7గంటల తర్వాత ల్యాండర్‌ను సూర్యుడి దిశగా తిరిగేలా చేశారు. ల్యాండర్‌కు కావాల్సిన శక్తి సోలార్ ప్యానెల్ ద్వారా స్వీకరించే విధంగా చర్యలు తీసుకున్నారు. ప్రణాళిక ప్రకారం ఫిబ్రవరి 23న జాబిల్లిపై ల్యాండర్ దిగాల్సి ఉంది. అయితే, ఇంధనం వృథా అయిన నేపథ్యంలో ల్యాండింగ్‌ ఆశలు సన్నగిల్లాయి.

ఈ ల్యాండర్ ప్రొపల్షన్ సిస్టమ్‌లో వైఫల్యాన్ని గుర్తించినట్లు శాస్త్రవేత్తలు చెబుతున్నారు. ప్రొపల్షన్ సిస్టమ్‌లో లోపం ఉంటే చంద్రుడిపై ల్యాండర్ సాఫ్ట్ ల్యాండింగ్ చేసే సామర్థ్యం కోల్పోతుంది. చంద్రుడిపై అడుగుపెట్టే తొలి ప్రైవేటు కంపెనీగా అవతరించాలని ఆస్ట్రోబోటిక్ ప్రయత్నిస్తోంది. ఈ నేపథ్యంలో పెరిగ్రీన్ అనే ల్యాండర్ ద్వారా శాస్త్రీయ పరికరాలను చంద్రుడిపైకి పంపింది. ఈ పరికరాలు జాబిల్లి ఉపరితలంపై అధ్యయనంచేసి నాసాకు సమాచారాన్ని చేరవేస్తాయి.

మరోవైపు, వచ్చే కొన్నేళ్లలో చంద్రుడిపైకి వ్యోమగాములను పంపాలని నాసా నిర్ణయించింది. 2024 చివరి నాటికి నలుగురు వ్యోమగాములను చంద్రుడి చుట్టూ తిప్పి తిరిగి భూమి మీదకు తీసుకురావాలని అమెరికా ప్రయత్నిస్తోంది. అటు హ్యూస్టన్‌ను చెందిన ఇంట్యూటివ్ మెషిన్స్ అనే కంపెనీ త్వరలోనే ల్యాండర్ ప్రయోగం చేపట్టనుంది. జాబిల్లి ప్రయోగాల కోసం ఈ కంపెనీలకు నాసా భారీగా నిధులు సమకూర్చింది.

అగ్రరాజ్యం అమెరికా చివరిసారిగా 1972 డిసెంబర్‌లో అపోలో 17 ప్రయోగం ద్వారా వ్యోమగాములు జీన్ సెర్నన్, హారిసన్ ష్మిట్‌లను జాబిల్లిపైకి పంపించింది. చంద్రుడిపై నడిచిన 11వ, 12వ వ్యక్తులుగా వీరు రికార్డు సృష్టించారు. ఆ తర్వాత అమెరికా చంద్రుడిపై ల్యాండింగ్ ప్రయోగాలు చేయలేదు. సుదీర్ఘ విరామం తర్వాత ఆర్టెమిస్ పేరుతో ప్రయోగాలకు సిద్ధమైంది.