పాన్ ఇండియా స్టార్(Pan India Star) ప్రభాస్(Prabhas) గురించి తెలుగు సినీ ప్రేక్షకులకు ప్రత్యేకంగా చెప్పాల్సిన అవసరం లేదు. అయితే ఈయన హీరోగా వచ్చిన తాజా చిత్రం సలార్(Salar). బాక్సాఫీసు వద్ద భారీ వసూళ్లు రాబడుతోంది.
అయితే, ఇదే ఊపులో ప్రభాస్ వరుస సినిమాలతో ఫ్యాన్స్‌ను అలరించేందుకు సిద్ధమయ్యాడు. టాలీవుడ్ యంగ్ డైరెక్టర్ మారుతి ద‌ర్శ‌క‌త్వంలో ప్రభాస్ నటిస్తున్న సినిమా ‘రాజా సాబ్’. ఈ సినిమా నుంచి సంక్రాంతి కానుక‌గా ఒక సాలిడ్ అప్డేట్ ఇచ్చారు మేక‌ర్స్.
ఈ మూవీ నుంచి మేక‌ర్స్ ప్రభాస్ ఫ‌స్ట్ లుక్ పోస్ట‌ర్‌ను విడుద‌ల చేశారు. ఈ పోస్ట‌ర్‌లో లుంగీలో ఉన్న ప్రభాస్ వింటేజ్ డార్లింగ్‌ను గుర్తుకు తెస్తూ.. మాస్ లుక్‌లో కనిపిస్తున్నాడు.. కాగా పోస్టర్ విడుదలైన క్షణాల్లోనే వైరల్‌గా మారింది.
ఇప్ప‌టికే నాగ్ అశ్విన్ ద‌ర్శ‌క‌త్వంలో ‘కల్కీ 2898 AD’ సినిమా చేస్తున్న డార్లింగ్.. మ‌రోవైపు ప్ర‌శాంత్ నీల్‌తో ‘సలార్ పార్ట్ 2’ ను లైన్‌లో పెట్టాడు. అయితే ఈ రెండు సినిమాలు కాకుండా ప్రభాస్ చేస్తున్న క్రేజీ ప్రాజెక్ట్ ‘రాజా సాబ్’.
మొద‌ట ఈ సినిమాను తెలుగులో మాత్రమే విడుద‌ల చేయాల‌నుకున్నారు మేక‌ర్స్. కానీ ప్రభాస్ పాన్ వ‌ర‌ల్డ్ లెవ‌ల్‌లో ఉన్న ఇమేజ్‌ను దృష్టిలో ఉంచుకుని కొన్ని మార్పులు చేస్తున్నట్లు తెలుస్తోంది. అదేవిధంగా ఈ సినిమా టైటిల్‌ను మొద‌ట ‘రాజా డీలక్స్’ అనుకున్నప్పటికీ ‘రాజా సాబ్’ అని మార్చారు.
