సీతారామం(Seetharamam) సినిమాతో ఓవర్ నైట్ స్టార్ స్టేటస్ అందుకుంది హీరోయిన్ మృణాల్ ఠాకూర్(Mrunal Thakur). అందం, అభినయంతో తెలుగు ప్రేక్షకులను ఆకట్టుకున్న ఈ అందాల భామ వరుస సినిమాలతో బిజీగా మారింది. ఆచితూచి కథలను ఎంచుకుంటూ ముందుకెళ్తోంది. అలా బాలీవుడ్లోనూ బాగానే సినిమాలు చేస్తోంది.
అంతేకాకుండా కోలీవుడ్లోనూ మృణాల్కు అవకాశాలు వస్తున్నాయి. టాలీవుడ్లో ఇటీవల నేచురల్ స్టార్ నాని సరసన ‘హాయ్ నాన్న’లో నటించి మరో సక్సెస్ను ఖాతాలో వేసుకుంది. ప్రస్తుతం ఈ చిన్నది రౌడీ హీరో విజయ్ దేవరకొండతో ఫ్యామిలీ స్టార్ అనే సినిమా చేస్తోంది. అయితే తాజాగా ఈ అమ్మడు టాలీవుడ్లో మరో బంపర్ ఆఫర్ కొట్టేసినట్లు తెలుస్తోంది.
పాన్ ఇండియా స్టార్ ప్రభాస్ కథానాయకుడిగా, దర్శకుడు హనురాఘవపూడి తెరకెక్కిస్తున్న సినిమాలో హిరోయిన్గా మృణాల్ ఠాకూర్ను తీసుకోనున్నట్లు సోషల్ మీడియాలో జోరుగా ప్రచారం సాగుతోంది. హనురాఘవపూడి-ప్రభాస్ కాంబినేషల్లో వస్తున్న ఈ సినిమా పీరియాడికల్‌ డ్రామాగా తెరకెక్కనున్నట్లు సమాచారం. ప్రస్తుతం ఈ చిత్రం స్క్రిప్ట్ను ఫైనలైజ్ చేసే పనిలో దర్శకుడు ఉన్నట్లు టాక్ నడుస్తోంది.
స్క్రిప్ట్ ఫైనలైజ్ అయితే ఈ ఏడాది చివర్లో లేదా వచ్చే ఏడాది ప్రారంభంలో ఈ మూవీ పట్టాలపైకి వెళ్లే ఛాన్స్ ఉన్నట్లు తెలుస్తోంది. ఇదిలా ఉంటే, రెబల్ స్టార్ ప్రభాస్ ప్రస్తుతం నాగ్ అశ్విన్ డైరెక్ట్ చేస్తున్న ‘కల్కి-2898ఏడీ’ చిత్రంలో నటిస్తున్నాడు. ఈ సినిమా మే 9న రిలీజ్ కానుంది. దీంతోపాటు మారుతి దర్శకత్వంలో ‘ది రాజా సాబ్‌’ చిత్రంలో నటిస్తున్నాడు. అటు యానిమల్ డైరెక్టర్ సందీప్ వంగతో ‘స్పిరిట్‌’ చేస్తున్నాడు.
